應該復活節兼遊完廣州己經寫既野HEA到宜家先至寫...不過唔緊要既,有心唔怕遲... 一早8點幾就要起身出門口LA~(難得放假,但點解唔可以晏少少先出門口呢!?唔通哩D真係國內既文化!?) 去廣州前先去買個早餐上車車食...去到KFC,覺得佢地D早餐麻麻地咋... 但出奇係佢地哩到竟然有粥 食嫁...(點解香港無嫁!?)最後都係食M記早餐算LA! 佢地D餐同HK差唔多,但當然價錢係HK既一半呀... 諗住早餐唔飲汽水飲熱苦力,點知要加錢喎...但算LA!加咪加囉...點知發覺係勁大杯嫁... (同星記大COFFEE差唔多SIZE呀!) 架車勁多人...(所以個早餐一直都無食只係拎住...)而且仲要一直勁小心自己留意住自己個袋袋...(因為成日都人講上面D巴士好多扒手偷野...) 落車第一樣就係入鄉隨俗,坐(唔係蹲)埋一邊食左個早餐先...食完亦正式開始今日既廣州之旅... 先係坑口 搭地鐵出發... 其實佢地同深圳地鐵差唔多,都係超迫人... 所以點都覺得HK既地鐵係最舒服既... 不過佢地比HK安全就係係每一個站都已經安裝左屏幕, 所以要係廣州跳軌,係無機會嫁...車箱入面又有D燈燈顯示去緊邊個站, 已過站佢地既燈燈就會長著所以一定唔會MISS站...(對D大頭蝦黎講哩個提示都唔錯,呵呵~)而且仲有埋電視睇(其實都係純買廣告),但D廣州人個個都好專(留)心咁去睇喎! HAHA~ 去到體育西路 先至轉車,雖然係哩到係用多左時間去轉車,但哩個個站比之前轉車站少人好多,所以架車都鬆好多... 仲要有位坐添呀!(對於D就到中女既人黎講,坐係好緊要嫁~) 搭左3個站又到客村 , 又要落車,上返大堂再轉搭車去萬勝圍 ,一路係咁搭地鐵轉車,其實都好悶下,不過為左一日之內可以搭洒咁多條線,無計LA! 去到萬勝圍 知道離目的地 - 大學北站不遠矣...(初初以為北站 同南站 好近嫁...但搭地鐵都10 MINS,唔知行路既話要幾耐呢~)但睇落去好睇,但搭車都要25 MINS先到呀... 一上大堂,發覺哩到勁大...如果要有左邊既出口去到右邊,我諗都應該AT LEAST 要5 MINS呀! 之後我地係A出口中心大街北出... 但點知一出到去發覺大學城係好荒蕪... 四處只係得馬路 &沙塵,連車都唔覺有一架呀!要好遠好遠先見到D學校...(一直覺得大學城會好似中大+港大+科技GROUP埋一齊,而D大學距離係好近,好近~),但出黎唔係囉...相信步行15 MINS都未必可以由一間去到另一間呀!!! 但今日既目標唔係參觀大學,而係去"大學博物館"(表妹話當年去過,好靚,所以一定要去,而且我去到一定好鐘意...) 但一直都無大學博物館既指示牌,只係"嶺南印象園" 喎...但又同一方向喎~所以唔理咁多,行到過去再算LA!但佢指就指好近,但行成差唔多20 ~ 25 MINS先到呀...(熱死辣辣咁行過去,未玩就屎鬼左LA!) 但行左差唔多15 MINS先至發覺黎到大學城第一間大學 - 廣東工業大學 ,如果無個名牌係門口並見到,初初以為只係一D藝術館之類既野咋....點估到係大學喎!