噚日約左個FD係荃灣食飯....所以就可以一試由尖東試搭西鐵直達荃灣西,雖然係放工時間,但一定無搭地鐵咁多人,仲要係位坐添呀! 一般搭地鐵由TST去CW要26 MINS, 但搭西鐵只需14 MINS咋... 不過噚日架車唔係ON TIME咁耐,但都OK,佢真係可以係15 MINS內到荃灣西...雖然荃灣西去返地鐵站AROUND 要15 MINS,但哩到去如心廣場/荃新天地就好近! 但食飯既地點係近南豐中心附近既荃昌中心 既"森美餐廳 (SAMMI CAFE) ,係OPENRICE見D人話哩間野都食得過,仲要幾抵... 佢間鋪係商場地下既出面,仲要係D後門位置,所以無名,都幾難搵 入面真係鋪頭細細,入面最多只係放到8張2人餐枱仔... 裝修亦一般, 不過係到傾計食飯就幾舒服囉...而且8點幾走左第一ROUND客,就已經無乜人再黎,所以想寧寧靜靜食一餐,哩到真係首選... 佢地個MENU都有幾多野揀 ,但最多人推介就係個 "超值套餐" 一心黎到當然要試下哩餐有幾超值好食LA! 先黎一碗龍蝦湯 ~ 嗅落好香,但點知一搞發覺...超傑,原來入面係有好多料 ~有青口仔,龍蝦仔,墨魚仔...但幾多料都無用,因為個湯好咸...咸到覺得自己似係到飲緊個龍蝦汁一樣... 蒜頭包 ~ 好脆 & 香口...將個包包點落個湯到食都唔會淋左,正...而且當佢配一個咁咸既湯一齊食,會覺得沙漠入面係綠洲一樣... 頭盤,佢有2款可以揀, - 煙三文魚配露筍 / 芝士焗生蠔 因為對露筍麻麻地,最後揀左焗生蠔 ~ 黎到覺得既時候覺得佢隻蠔一D都唔細隻嫁...有半支叉咁長; 食既時候隻蠔有好多蠔水留出,飲落好鮮甜,好重海水味...但隻蠔都幾新鮮,好有鮮味...加埋芝士落去焗,簡直係PERFECT呀! MAIN COURSE 佢都有2款揀,一係就香煎鵝肝配牛柳,另一個係羊架... 因為唔食半,而哩到又出名牛柳既時候,只好揀香煎鵝肝配牛柳 (好似好委屈自己添...哈哈~) ~ 佢D鵝肝雖然唔係好靚入口即溶個D,但真係唔差.最少都有應有甘香,同入面無渣,牛柳就只係OK,雖然係淋(但唔係勁落鬆肉粉個種淋),但無乜牛味,真係唔知點解,不過佢地D扒扒塊塊都煎到9成熟咁滯,但食落又唔老喎...所以成個MAIN COURSE黎講都OK... DESSERT佢地都有2款 - 芝士凍餅 / 木糠布甸 又係揀左佢最出名既 - 木糠布甸 ~ 唔係傳說中咁好食,因為太甜,木糠又無乜味,不過2姐MATCH一齊食,係無咁甜既,但就食唔出有咩味囉~...因為整體算係咁...最少個布甸係好滑,層次分明...但真係唔名佢出名係邊到囉!? 餐茶叫左凍檸茶 ~都幾好飲,茶味香濃,而且間野好落本,比5片厚切檸檬 ,而且佢地D茶係無加落冰,係本身杯野都係凍...哩個值得一讚呀! 個FD就只係叫左晚餐,一碗什菜湯 & 一個芝士鮮蝦酥皮牛柳 ~個湯聽閒都係話咸,但好多菜菜係入面...MAIN COURSE佢地整得好有心思,因為用個酥皮包住塊牛柳&蝦黎焗...切開入面見到既就係牛柳, 間唔中都有隻蝦...不過牛柳一樣係無牛味,而且唔太淋,但算OK喎! 整體SERVICE, 環境,食材都好好,只係廚技差左少少,不過以一間鋪頭仔黎講算係咁...但如果將來OPENRICE只係對佢有讚無彈既時候,都應該會再黎...
