MTR CLUB既積分6月尾就到期...所以7月就換左N張地鐵飛...搵左一日天朗氣清既日子,就同2老 入左元朗到此一遊LA! 唔知係唔係晴天既關係,火車同地鐵係超多人嫁...而且一樣係搭地車去到美孚 ,係轉西鐵入去...並同以前一樣,無乜人搭,有位坐... 去到朗屏站, 就沿住D出口去安寧路...(亦都係今日入元朗既目標之一),我地由街尾行到去街頭先至搵到 " 大榮華酒樓 " 呀!!! 行過去都唔算辛苦,最辛苦係要行一條好高既樓梯先至去到呀...唉~ 上到去等左一陣先有枱, (但個時已經2點幾...)等個時竟然發現蹈蹈係到食緊麵呀!!! (不過佢今日無周圍走,只係食完野係收銀到傾左一陣計就閃人LU~) 坐落覺得佢同KLN BAY個間D裝修其實都係差唔多, 只係比KLN BAY大... 但佢地D SERVICE真係無得同KLN BAY比,因為超無禮貌...可能係老店既關係掛~唉!!! 食物方面佢地有多好多選擇,雖然感覺好似同出面差唔多款, 但好食好多,因好肯用料落去整點心,可惜咸左少少,但都OK嫁.... 蛋黃馬拉榚 ~ 大榮華必食之選,食落真係好重蛋黃味,好鬆軟,可惜細件左少少...而且佢唔多夠熱...(感覺都係KLN BAY個D馬拉榚好食D...) 上湯鮮竹卷 ~ 初初對佢真係無乜期望,但估唔到佢個鮮竹卷係用鯪魚整,而唔係豬肉, 佢個上湯雖然好有鮮魚既甜香,但好咸,所以食完一匙都放棄LA! 切肉燒賣 ~ 睇個賣相真係麻麻,但食落係啖啖肉,但佢一D肥肉都無,只係用瘦肉去整既燒賣,所以唔怕食多幾粒...GOOD!!! 煎蝦餅 ~ 哩碟野超油...D油係反洒光個種油...而且碟野係凍凍嫁地...所以唔好食...雖然食落係有好多蝦膠係到整 ,但一D味都無囉... 咸水角 ~ 老豆既至愛,佢地D咸水角比出面個D大隻,佢表面超硬,但咬落,入面就好軟,煙煙韌韌咁...料都多,但唔知係唔係點解落唔止有肉碎,仲有D咸魚味...所以都幾咸!!! 最後黎多碗雙拼燒味米線 ,雖然無得揀咩料,但只係 $16,仲要勁大碗....我地3個人,仲要SHARE到每人2碗,勁...佢D雞真麻麻地,但叉燒得!!! 飲完茶就打算行元朗LA!但發覺佢地既興趣係不太嫁...只係想黎哩到懷緬一下佢地後生黎元朗既時光,佢地話以前同宜家既大馬路都無乜點變... 行行下竟然比我發覺到一間" 龍鳳洋服校服公司" 既鋪頭,初初吸引我,都係D70~80年代既字體!!!唔知宜家上面係唔係真係仲買緊哩D野呢!?而且入面係唔係真係仲要訂身訂做嫁呢!? 行左一陣就打到回府LU~但走前點都要去元朗最出名既"恆香老餅家" 買返半打老婆餅返屋企 LA!發覺間野係超多人買老婆餅...反而經過榮華唔覺有人係入面囉...(真係唔明點解!?) 雖然市區都有"恆香,但每次經過都唔會行入去買...只係入到黎先至會買老婆餅返出去做手信...而且記得個FD曾經講過元朗既老婆餅係好食D嫁... 買完又食飽飽又搭車車返屋企LU~
