上星期去左九龍城 GATHERING, 一路等住哩一日既來臨,因為日日都睇住 " 金寶" 有咩好食,有咩出名...日日都睇到流口水咁滯... 去到發覺差唔多成條街都係佢嫁...因為勁多間"金寶",但其奇去一間,只要同佢講BOOK左位,佢地都識叫你去邊...初初以為要等一陣先入得.因為聽講好多人等位嫁,但一去到就有位LA! 去到唔洗睇MENU,因為佢張墊底紙已經SHOW左佢地D餸出黎... 所以跟住佢叫其實都唔會有錯嫁LA! 裝修其實真係一般,有D似茶餐廳咁... 不過哩到幾好係廚房係埋入面,餸真係入面出,唔係其他鋪頭送過黎... 佢地D野其實唔算好大碟,(其實可以用細碟黎形容添囉...),但成班又出奇地話OK飽喎... 生蝦刺身 ~ 一直都好鐘意哩款泰菜, 哩間D蝦都算幾新鮮, 又大隻喎...食落去真係好爽嫁...D汁唔算好辣,而且好香蒜味...美中不足係佢D蝦係同汁放埋一齊,分開既話應該會好D...不過哩碟我覺得好食過泰國個間建興呀! 醬爆蝦丸 ~ 出奇地大粒,但一碟只得4粒咁大把,不過D丸真係由好多蝦打出黎,所以爽口彈牙...而入面個D醬汁都好重蝦味...咸咸地咁...正~ 炒辣肉碎 ~ 只係一個識泰文既人用泰文點既野...聽閒應該係包住生菜黎食,但哩到無提供,所以只可以剩食...但炒得超好食,不過勁辣,個個食完都有D水汪汪...不過送飯一流,剩食未免會太辣~ 咖哩牛腩配法國包 ~ 個咖哩汁好正,好香椰汁味...牛腩就好淋,但可惜好碎,所以夾得起黎食既唔多,連牛根都無乜,過份左少少囉~個法包都好好食...外硬內軟,點埋D汁食,簡直一流~ 泰式燒雞 (半隻) ~ 感覺唔到邊忽似係燒囉...不過都幾熱,但同白切雞係無分別喎 (可能食雞胸關係吧!)不過睇落唔算好大,但食落件件都係啖啖肉,食完已經好飽... 串燒 (牛 & 雞) ~ 每款各3串, 一般既串燒,上到枱已經唔係好熱...不過OK LA!牛真係超一般,只係得個淋囉...雞都OK,但D肉唔自太滑,有點乾身...不過最好食都係佢個沙嗲醬... 菠蘿炒飯 ~ 炒飯算幾熱,但唔多夠鑊氣,所以無乜香味,但油唔算太多...D飯亦算炒得乾身,但菠蘿佢亦唔算多,仲要炒到少少燶左...所以整體黎講唔太得... 炒A菜 ~ 其實只不過係油墨菜,炒得OK LA!唔算太多油同辣...尚算OK既~ 今次食完唔知幾時再有機會特登黎九龍城食泰菜LU~不過哩間野食品同SERVICE都係OK既...
