其實哩間野已經黎過N次食飯,不過晚飯都係第一次... "華豐葯業"聽落好似係一間葯材鋪,但其實都算係一間上樓既私房菜,不過佢以湯水以出名,餸就真係好家常便飯...地點都算旺中帶偏,岩岩係寶勒巷轉角個間7仔樓上...如果唔係個FD介紹,都唔知有哩間好野! 佢地個鋪頭其實唔係好大,因為有D地方做左廚房,有D就放左葯材,但好彩佢地有好多間房仔... (個FEEL有D似渡假屋 / 套房),不過我都係鐘意入個D房仔坐多D,因為一黎無咁嘈,又唔洗同人迫...不過最緊要係自成一角,倒水,添飯都可以自己親力親為... 今晚點左一個4-5人餐,再加多3個餸,埋單只係 $371,已經食到好飽飽...本來個老闆都話收 $370就算,但我地話唔好... 龜苓湯 ~ 黑麻麻既湯, D FD話好飲好甜,一D都唔苦...但對於我黎講黑麻麻既野就係苦既...(可樂除外) 花膠响螺湯 ~ 好重膠質既湯,所以飲落有D章口,不過好好飲,一D腥味都無...而且料都幾多,可以飲湯之餘仲有湯料係底... 椰子雞湯 ~ 一款中式甜湯,椰子都煲得好淋,咬仲有陣陣椰香,雞件佢就無乜,只係得幾塊得豬骨...不過個湯都係正既...無乜加到味精落去... 鼓油雞 ~ 黎到必點之選,雖然今次隻雞肥左少少,同埋有少少凍,唔係熱辣辣咁上枱,而且佢隻雞真係好細隻話就話半隻雞,但每人夾一件都無左大半隻LA!不過佢個鼓油雞汁真係好出色,用黎伴飯食可以食到幾碗添呀! 東坡肉 ~ 睇落好似好肥,但肥既地方其實唔係好多,瘦既反而仲多...食落口仲好甘香,不過佢唔似上海鋪個D東坡肉咁淋...個底仲有好細心放白菜仔係到,以防太肥膩... 金華火腿菜膽(娃娃菜) ~ 初初都係估一個娃娃菜上...但估唔到佢切絲加顯汁,再放一大金華火腿落去...個菜同個汁好好味,但D火腿真係好咸... 清蒸桂花魚 ~ 雖然細條左少少,但條魚都夠鮮味,而且蒸得剛好... 中式牛柳 ~ 哩個牛柳真係超好食,D肉好淋(但個FD話落得太多鬆肉粉),所以無乜鮮肉味,佢個汁又唔太酸,好岩送飯...可惜碟牛肉真係細碟,洋蔥仲多過牛肉,但即叫即整,唔係叮返熱就算... 啫啫雞煲 ~ D雞超咸,不過雞件真係好多,煲野入面仲有雞潤,(好耐無食過LA!)哩個反而唔咸仲要好岩味...但應有既蔥就無乜~初時上枱D雞係生生地嫁...同佢佢地講未熟,佢地就拎返入去叮就算...(叮完更咸~)所以下次唔會再叫哩個囉... 魚香茄子煲 ~ 送食飯都係一流之選,茄子好大嚿,炆得好淋,而肉碎同茄子既比較又岩岩好,仲加左少少咸魚粒落去整,好少餐廳會放落去,最多都係得味.但哩個有味覺仲有口感...煲野仲要唔算好辣,所以值100分呀!
