哩排係公司執野,竟然係櫃底搵到張上年PRINT出黎介紹"一品螞蟻" 既紙... 所以前日就特登去HOLLYWOOD PLAZA搵哩間野試一試LA! 可能係平日既關係,入面無乜人... 連D STAFF都少過人...入到去落ORDER都OK,因為一坐低一陣就有人行埋黎落ORDER...但當話有得,佢也亦好識趣咁行開,不過再叫佢地返黎既機會就變得好難,唔好話落ORDER難叫佢加水更難,因為好多都好似視而不見咁...唉... 裝修係靚既...哩到真係好岩一班朋友黎傾計 & 談情,靜靜地,氣氛好好... 食物方面真係只可以講一句: "真係超FUSION! " 醉酒麻香凍鵝肝 ~ 好香麻油味&好重酒味,食落口有D似醉雞,鵝肝雖然未至於入口即溶,但都係唔錯既鵝肝黎嫁...而且好大塊,食完已經夠飽...不好彩佢有少量沙律伴碟,當食到有D膩既時候,可用消濟之用 馬來喇沙花枝片雞絲軟腳蟹扁意粉 ~ 食落辣辣地,而且個意粉都幾硬身,又無乜汁,所以覺得只係一般,軟腳蟹炸得好油,又無乜肉喎雞絲反而唔係絲係雞肉,仲要好超多,全碟最好食都係尤魚...一片片又夠爽口...正! 蜜汁滑蛋海蝦花枝火燜飯 ~ 一上黎到既感覺勁似煲仔飯,一打開覺得好COLOURFUL... (有蛋漿,蟹子,尤魚,冬姑,翠肉瓜...),個飯其實有D咸,但即整黎講係OK嫁...勁重FUSION FEEL...D蛋好滑,但無乜蛋香,蟹子焗到半生熟,食落有D仲卜卜聲,有D就已經硬硬地...尤魚都係好彈牙同爽口,正!冬菇切得好細粒,其實唔係咬到都唔覺得有...翠肉瓜雖然已咸咸地,但都OK脆呀! 雖然以上3樣都係招牌菜,但只得鵝肝真係最得,所以唔係過開哩頭行街都未必會再黎食多一次...
