一直聽好多人話"伊呂波" D燒肉好好味...前幾日終於去左試一試LA! LUNCH加WALK IN既關係,所以去到等左差唔多15 ~ 20MINS先有位...(估唔到LUNCH都咁多人...)等位既時候周圍望下8下,竟然見到有個小型既流水陣... 不過只係放係一個角落咋... 餐廳一行入去就係D卡位,再行入去就係個大廳,睇落去都算闊落.中間就係坐他他咪既位,側邊個D就全部都係房... 佢地其實都有幾多SET LUNCH揀, 不過唔知係唔係都可以燒,因為有D寫係定食,而又定就係鍋喎...並且佢地D字全部都係好細,將D日文,中文,英文放埋一齊,睇個時真係有D難道... SERIVCE真係不敢好到...落ORDER時,先一個STAFF,佢叫等等,但之後無回頭,唯有叫第二個LA!好彩佢地出餐既速度就好快姐...食完想叫佢加茶,(咁岩隔離枱又要加喎~)咁又叫佢,佢又係唔應,但點知隔離個個人又叫,轉頭真係加比佢喎!仲要加完想走,所以即叫佢加埋~(過份...),執枱又係喎~只係執隔離個張,我地個張只係望一望就算...埋單本來又係我地先既,個STAFF又係聽完就算,之後到隔離枱埋...(都係叫返同一個STAFF),但佢地就即刻有得埋單...哩間野真係好差,個個STAFF都係聽完就算... 食物,質數都OK,唔算太過差,(不過不失),不過就真係大份... 先黎每人一個前菜,其實好似食韓國料理咁,有泡菜,芽菜 &菜苗 伊呂波套餐 ~ 哩個係招牌餐,所以試下...佢哩個餐有 : 牛肉, 天婦羅, 刺身, 蒸蛋, 面鼓湯加一碗珍珠米既大碗飯... 牛肉 - 都幾大塊同幾多下,食落好有鮮味,同幾淋,不過好似有陣騷味... 天婦羅 - 份量亦都係唔少,有蝦,茄子,冬菇,荀...雖然佢粉漿多左少少,但無乜油幾好食... 蒸蛋 - 蒸得好滑,好香蛋味,而且D蛋入面仲有蝦,蟹柳係入面添呀! 面鼓湯 - 好多料係入面,有日式魚旦, 蛋蓉, 少許紫菜...雖然無左豆腐係到,但都好好飲,而且比出面既面鼓湯淡少少,無咁咸...不過放涼左先飲無左幸福既感覺LU~ 刺身 - 雖然每樣只得一片(三文魚,吞拿魚,尤魚同鱆紅魚)不過都係厚切,而且食落係有鮮甜味,唔係個D頭頭尾尾去扮刺身... 和牛肩套餐 ~ 份量無伊景波套餐咁大份,不過都其實夠食嫁...一碟和牛肩, 蒸蛋, 面鼓湯, 一碗珍珠米飯... 和牛肩 - 無想像中咁好食,雖然係淋,不過無和牛個種入口即溶,而且無乜肉香味... 食飽飽之後仲可以揀飲品定甜品添...因為嗜甜既關係就點左甜品 - 雪榚,不過佢地既雪榚無得揀味只有芒果咋... (如果有得揀綠茶雪榚就PERFECT LA!) 如果再有機會黎,應該唔會再黎TST哩間,會去CWB個間...不過再有得揀都係返盛八食算~HEHE~
