上星期五,朋友請食返上月既生日飯,因大家都未試過"風月堂" ,所以決定哩餐就去哩到一試... 7點哩到已經有好多人等位LA!哩間野感覺上好似好GRAND咁...而且佢係西式加日式既FUSION菜黎...應該唔會差得去邊既... 間格其實同一般CAFE, 餐廳無異,佢只係用D珠鏈隔住每一邊既位.... SERVICE佢地真係做得唔錯LA!因為只係望一望佢地,佢地就會識得行上前問需要D咩!(只係一間普通餐廳,但都做到高級餐廳先有既SERVICE,唔錯...) 最後因為唔想多諗既關係,只係點左當2個SET DINNER就算 ...(不過試過點都係SET平過散叫既...) 羅宋湯 ~ 聽講一D都唔酸,甜甜地,幾開胃幾好飲添... 粟米雞湯 ~ 初初聽到話係"糯米雞",即時O咀,但佢再講係粟米雞,即就要試試LA~但其實佢同出面既白湯真係無乜分別,味精偏重,而且雞同粟米係少之又少... 麵包 ~ 個感覺就好似一個小蛋榚咁...但味道麻麻地,雖然係叮過都熱,但無乜麵包味... 西冷扒伴蝦薯菜 ~ 睇落好似好細份,但其實係好大碟嫁,只係將一塊大扒分成2塊,不過初初ORDER係 7成熟,但出黎效果,一D都唔似有7成,不過佢幾淋幾入味; 大蝦只係普通蝦一隻,唔算真係大蝦,不過幾鮮甜; 而薯菜,佢地唔係用薯條,而係用薯角,炸得幾脆口,但一D都唔肥膩... 白汁鵝肝海鮮扁意粉 ~ 近期既最愛...白汁配意粉真係好MATCH,雖然今次只係用扁意粉,但食落都OK喎...(如果用ANGEL HAIR仲正...),意粉煮得剛好,唔會太過軟身同硬,不過個意粉就入唔到味...所以味道一般; 鵝肝只可以講句一分錢一分貨,雖然係淋同好香騷味,但口感就差少少,食落又一D甘香都無喎...唉; 海鮮反而好得,料又多喎!( 2隻青口, 2隻蝦, 幾片帶子,2舊墨魚仔...),樣樣都好鮮甜,如果有得只係海鮮意粉應該好過加多一塊唔好食既鵝肝落去,攪到碟意粉失色不少... 朱古力雪榚伴窩夫 ~ 朱古力好濃朱古力味,個雪榚又唔算太甜,窩夫好脆口同好香蛋味... 豆腐雪榚伴窩夫 ~ 豆腐好香,好滑,間唔中仲會食到D豆味添呀! 熱檸茶 ~ 一般,不過佢成套茶具真係好靚...最緊係隻杯呀...好有英式HIGH TEA個D茶杯FEEL,如果可以優優閒閒嘆返杯茶真係一種好好既享受黎既...
