再一次走入金巴利街,為食道地既韓國野...不過還是去"秀" 可能係雨天既關係,所以門口無乜人等位,一黎到就有位...(不過依然都係坐返上次個個位...)今次終於看清佢地個裝修LA! 係好簡單,簡單到可以話連裝修都無乜,只係係牆身掛左2幅畫就算...而且間鋪好細,D位好窄好迫... 雖然鋪頭係細,但SERVICE真係麻麻地,叫幾次先有人落ORDER同SERVE,(所以好多網民都話哩間野好寸,態度差...) 野食亦覺得比上次係差左,同油左好多... 前菜 (泡菜, 黃瓜, 芽菜, 豆苗, 薯仔) ~ 黃瓜有少少辣,但OK,而且仲係爽脆; 芽菜好爽口,仲要好香同重麻油味; 豆苗就麻麻地,有少少苦澀味; 薯仔,已經浸到好淋,但不失薯仔... 滑豆腐湯 ~ 個湯都幾濃味,不過都幾辣,但好好飲...因豆腐係超滑,不過無乜豆味,湯入面仲有少許牛肉,D牛一D都老,尚淋...不過D湯可以多返少少,唔止係料多就最好LA! 蘑菇豬肉炒粉絲 ~ 同上次一次睇落係大大碟,但粉絲實際好少,不過今次磨菇真係比上次多左幾片(哈哈~),不過哩次碟就好油,成個碟反光咁滯...佢D豬肉片炒得真係幾爽,不過甜左少少;蘑菇好香,炒得幾淋;個粉絲都係偏甜,而且算幾硬... 海鮮蔥餅 ~ 全晚最唔好食既一款,佢個蔥餅其實同中式既煎餅好似...食落都係煙煙韌韌咁...雖然係咁,但個餅無乜味囉...入面真係有好多大蔥,海鮮真係無乜,最多都係得少少既蜆同尤魚...不過成個餅加埋都唔知有冇10隻蜆同1件尤魚呀!
