去到NATIONAL STADIUM諗住唔穿MBK 過建興,用對面行人路諗住行去CHAMGHURI SQUARE 會方便D同快D,點知真係捉蟲,行左20 MINS先去到入面間建興呀!(因為個個網友都話係個站隔離,點知要行咁遠姐...仲要經過最少2間學校先到喎... 睇MAP真係好遠添呀...過2條街就到...唉~) 去到建興見 到無乜人食呀...(初初有D驚入去嫁...),但睇下見都差唔多2點,無人又好似好正常喎...所以就去去坐LA!入面都幾大,餐廳同HK個D茶餐廳係無乜分別睇唔出係一間中式餐廳既格局~ 最後點左一個細既咖哩炒蟹 ~ 睇落唔係好多,但好落真係好飽肚囉...可能佢用左雞蛋去炒咖啡,所以好睇好食又飽肚~而且佢D蟹係用肉蟹嫁,所以啖啖肉,而且仲要好鮮味添呀...唔怪得係佢地哩到既招牌菜LA! 魚露蝦刺身 ~ 估唔到佢比hk還要差...佢好大隻...差唔多有中指咁長呀....但可惜食落係無乜味囉...如果唔係配埋D汁食,真係只係食唔到有味囉....(日本既甜蝦真係比佢好食囉~) 食完就係哩商場行下,但發覺佢成個商場都係食嫁,估唔到... 搭篤篤 返MBK(唔想再豬行返去LA!),初初佢開價 100B嫁,但最後同佢講價就40B, 成交就上車,上到車先發覺個司機真係幾靚仔嫁喎~(哈哈~),落車佢叫對住我講左句" I MISS U"添呀!呵呵~ 去到MBK發覺佢同成個旺角搬左入黎係無分別囉... 好多老翻,電話,什物...不過佢好齊咁分好一層層...所以要買任何野,去指定某一層就OK嫁LA! 但黎得哩到當然要去埋MONT食埋佢地D多士LA! (雖然係飽飽但點都要食嫁...),依然點左朱古力多士,但唔知點解無左上次咁甜咁好食....雖然佢D多士都係即炸熱辣辣脆卜卜,但無乜麵包味囉... 而且佢D朱古力漿都係好多,但都係唔甜囉...唔知點解!? 不過佢D飲品無錯到既...士多啤梨奶,好香士多啤梨味,而且奶好滑; 而朱古力奶就好濃朱古力,不過飲得就滯左少少囉... 下一站就先去SIAM PARAGON換錢錢先....因為入面有間換錢好抵既珠寶鋪P & P... 係其他EXCHANG到睇只係4.41,但哩到係4.49呀~ HEHE~ 換完錢都無行哩個商場,因為佢既野好HIGH嫁... 有D似IFC咁...(HK都有LA!唔洗行佢....)而且連SIAM OCEAN WORLD BKK都無去...(因為覺得OCEAN PARK都有LA!何必要去咁遠睇呢...) 轉返去SIAM CENTER行, 但個到都只係到此一遊囉...因為個到係好多野睇,但都係睇個字囉..... 尤其係PAUL FRANK呀! (哩間係指定要去嫁...)但佢入面D野真係比HK齊但亦比HK貴呢~唉... 見無乜野睇就轉左SIAM SQUARE行... (因為D書話個到買野都幾平...),但去到覺得有D似涉谷既FEEL, 但D野都唔平嫁...
