一年一度老豆生日既大日子,同左佢去 "龍華酒店"食飯慶祝~(佢自己提意既...) 但其實去龍華係唔方便嫁...一係就係沙田警署個條橋到行過去,再唔係就係火車站行去上禾輋村行過去,但每邊都最少行5 MINS先會行到去囉...所以真係未食,已經有足夠運動,上到去可以開懷大食LA~ 上到去就見到佢地既地環境同80年代初個D係無分嫁... ,因為哩D字,宜家哩個年代仲點會有丫... 今次又又係去返佢地貴賓廳食飯... 而且佢地既裝修同前幾年都係一樣無變過, 但今次先發覺原來佢地牆上面係掛左好多相嫁... 有D仲要大年紀過我添呀!!! 今次佢MENU都變左好多... 雖然黎黎去去都係個幾... 但佢地既款就唔同洒LU~ 紅燒炸乳鴿 ~ 即炒起即食,好香,食落D肉仲係好嫩滑,(但脾位D肉就老左少少,有D韌)不過已無乜肉汁可言,而且今次都係用返頂鴿,但一D都唔覺得佢老囉~(不過過多幾日佢唔食,又真係變老鴿唔食得嫁LA!) 原味鹽焗乳鴿 ~ 哩款對我黎講算係新菜式黎嫁...但佢超好食,比起紅燒更好食呀!雖然係鹽焗,但佢都保持到個鴿既鮮味,D肉係超...超....超嫩,勁多肉汁呀!而且個脾位D肉一D都唔老呀!不過佢就肥左少少..見到D膏就多D..但佢最值得一讚係佢凍左,個鴿同熱食既味道係一嫁...(唔會走味~) 百花孃豆腐 ~ 賣相麻麻地,好似就咁將D蝦膠撻上件豆腐拎去蒸就算...但D豆腐真係超得多,因為好滑好香豆味...(果然係出自山水既山水豆腐呀!),但個蝦膠就真係好差囉~超硬,一D蝦都無...(阿媽話佢係粉多過蝦打出黎嫁喎~)~ 蒜蓉炒白菜 ~ 初初對佢都有D對望嫁...但可惜係失望囉~佢D菜係好鮮甜,炒得好香,但可惜澀左少少,而且佢話係炒白菜,但一D都唔出囉~係將D熟蒜放係面就叫炒咩... 肉絲炒麵 ~ 哩個又係期待既,因為佢D麵真係炒得好好食嫁...好乾身又夠脆喎!不過今次D麵唔夠多呀~反而個汁同D料就好多喎~所以好多麵今次都比佢地浸到淋左呀!!!!(唔制呀!!!) 木筒豆腐花 ~見好多枱都有點到哩個甜品,所以就算幾飽都要點試一試...初初見人地咁大筒就係覺得係大既,但問落先知哩碗細係咋~(但細個D都4碗咁滯嫁...而且大碗個D真係成湯碗咁大呀~~(個阿姐講....),佢D豆花真係好滑,好重豆味,不過入面有少少豆腐渣囉~不過証明佢真係用好多豆做出黎...而且佢仲要加埋D桂花糖水一齊食正呀!!! 食完行出門口發覺竟然有頂橋係門口既一角喎~ 唔通以前哩到要黎接新娘用既!?HEHE~ 行到近門口就會發現間野最精彩既地,就係佢地養左隻孔雀LA...(聽講養左好多年LA不過佢真係好叻,因為有人一行埋佢去佢就會開屏,仲要拎黎拎去比你影相添呀~ (佢好聽話同生性呀!!!)
