今日去開牛頭角下村影相,咁岩上幾期既飲食男女又介紹牛頭角下村有咩美食喎..所以揀左"興記茶餐廳" 去試一試~去到門口發覺都好多人排隊 (可能哩個係LUNCH時間掛...),不過好彩等左10-15 MINS就有位姐... 入到去真係有D時光倒流既感覺嫁...因為佢地裝住麵包既舊式麵包 , 而佢裝汽水既櫃係以前士多好興用個D雪櫃 ,最特別係佢地仲係用緊上年紀年代個D 3葉風扇 (其實唔好睇少哩D風扇,其實佢吹出黎既風比宜家D風扇涼得多...),而且佢既裝修應該係咁多年都係咁...因為望落真係好古舊,最多都係D龍友影左好多興記 同牛下既相比佢地掛左出黎姐...不過突然係佢地間鋪係分3間鋪嫁,中間係通道,咩人都行得嫁... 而且佢入面D伙記 做野好快手嫁...一陣風咁就行左去,而且老闆娘 都落手腳做呀...多人到...不過佢幾好人幾NICE 最後就試左佢2個餐,一個係常餐,一個係午餐B同炸雞翼... 常餐 : 沙嗲牛肉通粉 ~ D牛肉好淋好好味,好香,牛味好重,個沙嗲味味都幾濃下...通粉不過不失囉...但好少湯,而且個湯好淡... 腸仔火腿煎蛋, 方包 ~ 方面係好軟身,但可惜係凍既...而且入面既牛油超少,咬落無乜牛油~腸仔一般LA!不過最緊要唔咸, 火腿好好食, 煎蛋係反蛋黎嫁...但唔會太老,因為咬落仲有蛋漿流出黎嫁... 熱咖啡 ~ 好香,好濃,嗅落就覺得佢真係用咖啡豆煮出黎既咖啡,總對唔係用咖啡粉沖出黎既...而且飲落好滑...飲落仲有D似炭燒咖啡既FEEL添... 午餐B : 豬扒湯麵 ~ 豬扒係哩到既招牌菜,所以真係一流,煎得岩岩好,但可惜油左少少,不過佢好有肉味,而且好淋,而且仲要大大塊,超有口感...不過個麵就差左少少LA!因為佢個麵超淋呀~(可能用福麵關係吧!),感覺上好似浸左好耐咁...不過佢個湯底又真係用返福字麵個包調味料嫁喎~(感覺上好似係屋企食緊咁...) 火腿蛋奄列,餐包 ~ 餐包一樣係凍既,而且牛油仲要比上一個餐少...D蛋勁老,仲要出埋皺紋出黎添呀!食落雖然好重同香蛋味,但老左點都係老左...火腿亦唔算好多,不過煎得好香,但永遠叉個時都好難可以2樣一齊食到... 熱奶茶 ~ 超香濃超滑,不過奶味重左少少,飲唔出茶既味道,但感覺上哩間比超中環個間D奶茶更好飲...近平易近人 炸雞翼 ~ 初初諗住叫好出名既炸雞脾嫁,可惜售罄,所以只好改點炸雞翼LA!但佢都好好食嫁...因為都係生炸,唔係先浸熟再炸MA!而且雖然係炸到有D黑麻麻,但熱辣辣食好正嫁...D肉又嫩滑喎~最好就係佢炸完既感覺都唔會油淋淋...所以GOOD呀! 如果有機會可以再去多次,真係好想試埋佢個豬扒多士同炸雞脾呀!
