終於考完一個唔知考黎為咩既試,辛苦左咁耐,當然要對自己好D...所以就去尖咀個間"松屋" 黎慶祝下自己放監LA~而且松屋係分好多時段嫁...而且每一段時間都唔同價錢喎... 但食既野一樣嫁...都係得5張 紙去揀自己想食咩呀咋~ 而且佢入面真係坐得幾迫,而且仲有好重油煙味...(走個刻再嗅自己個身就會覺得同去坐廚房食飯係無分別...)不過D SERVICE好好囉....一去到就整套食具 比你,而且點你想ORDER乜野LU~而且一落ORDER,轉個頭就會有得食,而且收野都係喎...夾起唔放落口就會收左隻碟走嫁LA! 雞軟骨 ~ 即叫即燒,好好食,而且好脆...正~ 刺身 ~ 都尚算FRESH, 不過三文魚好似肥左少少, 劍魚同食肥豬肉係無分別嫁...吞拿魚就麻麻地...其他就不過不失囉~而且正常食魚生都會點日式甜鼓油,但點知支鼓油 勁咸囉...成支生抽咁...超難食~ 炸海鮮卷 ~ 只係得粉,而且入面無乜料係...(係食唔到入面有料 ) 芝麻雞翼 ~ 個個都話必食,但無想像中咁好食囉...因為又細隻,而且咸左少少..不過佢炸得都OK.D肉都滑囉~ 金菇牛肉 ~ 一般貨色,不過D牛肉唔過熟,好淋... 燒茄子 ~ 超好食...加埋佢D汁一齊食,正...茄子又燒得唔太乾,而且淋淋地... 中華沙律 ~ 超一般 燒雞翼 ~ 燒得唔錯,但乾左少少....咬落好多肉汁流水..正 燒雞脾菇 ~ 黎到以為係咩...但食落先知係雞脾菇,但佢燒得好靚,一D燒焦都無...而且食無乜菇味,但有口感... 燒冬菇 ~ 初初以為好乾身,但佢用鮮冬菇黎燒嫁...而且都OK LA!夠淋,但好似無乜菇味... 三文魚頭 ~ 半個頭都無呀~得個骹位,而且仲要無乜肉喎~骨多,不過個D肉好鮮甜,好有重魚味... 燒口舌 ~ 口舌好爽口,好有口感,但可惜佢黑辣多左少少,令D味變相失色左... 炸豆腐 ~ 豆腐好滑,好重豆香,但好而散 (尤其指工差既我黎講...),不過都好好食... 海蝦天婦羅 ~ 炸得好香口,隻蝦都OK既...不過唔算太FRESH同大隻... 茄子天婦羅 ~ D茄子比燒茄更好食,不過炸完,入面D汁就比燒時少左... 蕃薯天婦羅 ~ 味道一般,不過都幾甜同幾粉... 燒墨魚丸 ~ 真係出面街個D,而唔係一粒粒個D呀...不過真係幾好食,因為入面粉唔多,而且入面仲有粒墨魚添呀...所以正呀...不過無汁連埋一齊食囉~ 燒蝦 ~ 燒得乾身左少少,所以隻蝦老左,但都尚算新鮮... 燒雞腎 ~ 哩個真係燒得勁乾LA~而且食落都幾腥,不過幾爽口既...但真係唔多好食.... 雪榚 ~ 佢地有4種口味揀....(芝麻, 綠茶, 菠蘿, 紅豆), 紅豆雪榚無乜紅豆係入面,但都OK...菠蘿雪榚就有好大粒菠蘿係D雪榚入面,好有口感,正~綠茶就一般,無乜茶味囉~ 不過松屋真係唔錯, SERVICE同食物(包括飲品)方面都做得好好,而且樣樣野都唔會裝貨就價....
