黎得黃埔,又想食接近上海既食品,首選一定係"詠黎園" 但6點幾(接近仲有15MINS就接近7點),對好多HK人黎講都係算早食飯,但點知上到去己經有超多人等位囉... 不過好奇怪,因為美食坊有2間詠黎園,但個個都只係係哩間等, 而另一間(白色個間...)係唔會有人等嫁... 之後問點解,佢話白色個間係食揚洲菜喎~(個刻一諗揚洲炒飯咋...HEHE~) 而且哩到係無MENU嫁...只係得1張點心紙, 睇岩就寫,寫完就比佢...(不過佢都有幾多野食...)而且價錢又唔貴喎~(好大眾化囉...) 雞絲粉皮 ~ 雖然係叫前菜,但都比出面好多上海館大碟勁多呢~佢D雞絲好多,青瓜絲反而算少喎...粉皮都爽口,彈牙,但可惜佢D花生醬唔夠多,所以整碟野都好淡... 怪味雞 ~ 初初以為佢有幾怪味,但原來唔係囉...佢D醬超好食嫁...因為辣得好過隱...而且佢D雞都算幾滑,但可惜都係用雪雞囉...(可惜可惜...) 改良擔擔麵 ~ 一直以為佢點改良,但原來只係多左D肉碎ONLY...但佢初初講唔係肉碎係炸醬黎嫁...(因為本人又唔多鐘意炸醬喎~)同原本個個擔擔麵係無分別囉~(有點被呃既FEEL),而且哩個改良仲要貴原本個個$10添呀~ 擔擔麵 ~ 一場黎到,一定要試佢最出名既野LA!佢D麵真係好彈牙,而且好浸好耐都唔會淋嫁...(所以出名係有道理嫁...),可惜佢D擔擔麵唔同傳統個D,因為又係無乜花王醬既香味...(哩個又係唔夠花生醬,唔通D醬真係好貴!?)而且又話辣喎,但一D都唔辣囉...唉~ 宮保雞丁 ~ 聽就聽得多,但都係第一次食...不過真係好好食~D雞炒得好滑,而且都算幾大件,唔係比D雞碎,腰果好香,而且仲係脆嫁...西芹就麻麻地,因為有D炒得岩岩好,好香,但有D好似生咁...唔好味! 素菜炒年榚 ~ 全晚唯一一碟覺得最差既野...佢D年榚無乜嫁..有都好大嚿,菜就多多,而且D菜有D黃,仲要無乜鮮味添呀...個底又有幾多唔知D唔知湯定油係到喎...所以望落到食落都係麻麻地... 楊洲小湯包 ~ 其實同小籠包係無分別,只係佢比小籠包既皮厚,但入面係無分別,但入面D湯有D似人地D茶湯味囉...所以感覺好怪~ 豆沙鍋餅 ~ 因為中國人話唔好食7食7,所以幾飽都要叫多一個甜喎...初初對哩個甜品無乜好感嫁,因為覺得佢又硬入面D紅豆又乾嫁...但哩間絕對唔係囉...因為一上枱係熱辣辣嫁...而且咬落去塊皮係勁淋,又軟身喎...不過最緊要D紅豆蓉, 佢真係蓉黎嫁~唔係一餅餅既紅豆就算...所以哩個可以話係全餐晚飯既高潮所在呀!
