係山上面沿住觀音路行出沙灘,經過停機坪 ,發覺今次竟然重門深鎖喎~(即係証明無人用,LA~不過無人用都係好事黎嫁~)而且今年長洲又發覺左一個新景點喎...就係一塊石 LA!(但對塊石無乜興趣,所以無行過去睇係乜黎...) 終於行到落沙灘LA!竟然見到有人係一個無乜浪既灘到滑浪喎 ~但佢同跣出去係無分別嫁...(不過勇氣可嘉...) 係棉花百貨隔離開左間新鋪頭呀~ 見門口真係好靚,仲以為買精喎,但點知原來係買茶葉嫁喎! 長洲有一間野係必食既,就係沙灘隔離個間"新照記" 食大大粒既魚旦LA!個到除左魚旦買之外,仲有榚榚 ,豆腐花同飲品買既...(但以前試過佢D豆花同榚榚都係一般~)而且今年D魚旦貴左好多呀!上年都好似仲係$5一串,但今年去到$7 LA!但粒魚旦無大到嫁喎! 去到等左一陣先有,但都係第一次食到熱辣辣,新鮮煮起即食既魚旦呀! (食落真係好香魚味嫁...而且又爽口彈牙,但唔知點解覺得無上年D咁重多魚係入面整囉...) 魚旦檔對面有間扮得好靚既屋 ,佢竟然指住話入面有SUSHI買喎~(但其實有邊個會按門鐘話買SUSHI丫...) 係漁會公學隔離竟然有一個咁老到連牙都無洒既婆婆係到好勤力SELL 鹹魚同魚乾 呀!(見到好似好可憐咁...) 哩間精品店 年年佢都仲係到,但永遠入親去都係唔見有人嫁喎~真係唔明佢點解可以生存到!?不過哩到真係有幾多買手信既地方既...不過係街口 (百佳隔離)就己經有一檔好大檔嫁LA!但其實都無乜野睇嫁...(真係到此一遊就算囉~) 內街 其實真係好似舊城區咁...佢地仲要扮到一街都係單車添呀!(不過係哩到黎講單車可以算係佢地既主要交通工具黎既...) 一間好似"永和"既雜貨鋪,雖然佢無用D木柱係頂住,但個名(信和) 同入面賣既野係差唔多嫁...但可惜好少人會去留意哩D微細野,只係對有人大事宣揚先會去留意呢!?咁岩仲有個年老既婆婆經過,更覺得哩類既什貨鋪真係走到去式微甚至將會消失LA! 大新後街 都算係長洲都算係一條大街黎嫁...不過最特別係個路牌下面竟然有畫左條魚係到喎...(雖然唔算好可愛,但都為係一個特色丫~)而且條街入面仲有檔好香咖哩味既魚旦檔呀! (本來都想食嫁.但可借岩岩食...唯有下次再食囉...) 一直都覺得哩到既人係好純同好融洽...唔係既話點會有一班人係到踢毽喎 ~(不過哩個國粹唔係一定都識嫁...) 係到發覺好多婆婆都會走出黎賣佢地曬左既魚/蝦干嫁...又見到一檔LA! 終於都搵到今日係OPENRICE介紹個間KATIE DESSERT LA! (因為個個都講得好鬼正咁,又話個BOSS畢業於中華廚藝學校喎...)所以點黎點都要試一試既~ (唔好蝕MA!),而且佢地個FEEL似CAFE多過似賣甜品既地方囉~ 佢個MENU都見到有幾多野食喎~而且好多都係新式甜品多...不過佢最HIT個D佢會放係一版, 無咁HIT個D又放另一版 ,但如果佢咁,正常人會唔會多數睇HIT個版就算呢!? 焗火焰山雪山 ~ 哩個一定要必試呀!因為真係超好食...燒焦個D CREAM, 超滑,STRAWBERRY 又超甜喎~(但肯定佢地係無浸過糖水囉...),最緊要係佢個底呀!唔止得CHREAM咁簡單,佢仲有CHOCOLATE ICRCREAM添呀!(雖然只係用NESTLE),但已經發揮到個精髓出黎LA!佢地仲有一個最特別之處就係係D客點左哩個,而又差唔多上黎既時候,佢就會出去門口拉上一塊黑絨布,令到D客睇到火焰雪山D火...(哩個SERVICE唔都錯...有得食又有得睇...) 疏乎里(薑汁味) ~ 以原味做膽,但食落好香濃既薑汁味...佢D蛋白發得好軟,而且食落唔會食到D砂糖,而且食落仲好滑添呀! 食完行出去海傍,見到有3個UNCLE係到俟欄談笑, 覺得哩到真係比出面多一陣悠閒治得呢!仲要係哩到遇到友人...(真係離島遇故人呀!)呵呵~ 接近黃昏,可以望住個個咸旦黃 慢慢咁既消失於地平線,哩個亦係係市區都唔會見到~而且接近天黑,連漁民小朋友都要撐艇返岸邊呀~ (要趕返上岸既日子,住係陸上既人係唔會感受到嫁LA!) 行行下,見到有個靚仔 (個樣都OK嫁...),好傻咁望住個海睇日落喎~ 但最後發現原來佢女友係到幫佢影緊相呀! 雞泡魚乾 基本上間間買手信,貝殼既鋪頭點都會有一隻,而且佢地D好想做到好似THAILAND咁...(但一睇就知好多都唔係LOCAL野黎嫁LA!一D特色都無~) 嘩....$56一斤,但真係唔知咩黎.... 只係話係D咩乾,同對身體好喎~但一D都唔吸引人去買黎試囉...因為咁既款...而且哩間鋪頭仲有石頭魚睇添呀~ 但可惜佢身體好似好多地方都損左同無左D皮...(見到佢都覺得佢好可憐同痛呀!) 天黑LU~要開始搵飯食LA!(但食飯前一定要去睇下船期表,唔係既話食完又要等好耐先有一班船走呀!最好當然係食到岩岩好,一走就有船就最好~) 繼續沿住海邊行, 另一邊(近搶包山個邊)都有好多精品店嫁,但哩間買得好似比較雜,乜都有D咁既...
