突然好想食拉麵既關係,所以就決定係尖咀搵搵搵...但發覺尖咀要搵一間正宗食拉麵既鋪頭都唔係件易事... 最後只可以揀去加連威老道既嘉蘭圍既" 札幌拉麵" 囉... 一直對佢哩間野無乜好感,因為沙田個間超差...唔好食...但估唔到連總店都係得個名囉~ 去到門口見有蔡瀾推介喎~心諗應該唔會差掛...(而且咁岩去到又有位唔洗等喎~) 佢地既裝修同日本個D拉麵店好相似嫁...(都係鋪仔細細 ),而且都係一個開放式既廚房 ,(可以睇住D師傅點整拉麵),不過佢係個D位就會熱D囉~ 其實個MENU 都算無乜得揀,如果散叫既話可選擇既拉麵好食,揀SET就會多少少得揀囉...一過感覺上1人SET 好似多選擇過2人SET ...而且佢仲有一個話係蔡瀾推介添 呀! 北海道醬油拉麵 ~ 初初以為佢會好似"北海道拉麵"咁好食,但估錯囉~D油係勁多仲要蒲面...(算LA!因為日本D有拉麵都係咁...),飲落個湯係勁難飲呀...又咸~(味道好重...)同啖啖油 (飲左一啖就受夠LA!),D麵落去都OK既...因為軟硬適中...佢D師傅刀工唔錯,因為塊叉燒砌得薄薄,而且仲要得一塊喎~(真係多呀!) 蟹棒拉麵 ~ 哩個麵係用面鼓湯底...第一啖飲落超咸,但D麵愈食愈少既時候,D湯就會無咁咸嫁LA~(哈哈...好神奇呀!),佢D蟹捧好正...唔係用D粉多無乜蟹味假蟹捧囉~而真係用D飲落啖啖蟹肉同味嫁... 蝦餃子 ~ 佢同一較餃子既SIZE,但入面神奇真係有一隻完整既蝦係入面嫁,唔係得D蝦肉/膠囉...但食落個FEEL就麻麻地,佢隻蝦唔夠FRESH,所似無乜味,而且其他真係同普通餃子無分別,勁多"9"菜同少少肉碎,所以不過不失既...不過上碟時油多左少少... 雞軟骨 ~ 佢即叫即炸,所以上枱時係熱辣辣嫁...雖然有好多油,但食落真係好好食囉...(不過買出面返黎炸,好難唔好食既...),而且佢D軟骨都算幾淋,唔似有D硬到死囉... 綜合, 飲食
