一直以黎都只係知元朗有間食刨冰好好食...因為佢地佢地係一條條嫁... 自噚日"APPLE"介紹過之後,決定今日入元朗試下 " 綿綿冰" ,佢D冰有幾綿~ 係千色廣場向左行,行2-3個街口就...但可惜噚日比某朋友老點,係千色廣場兜左3個圈.... 去附近發覺佢周圍都係糖水鋪, (有B仔涼粉(佳記)既新分店, 泛后甜品),而且仲要轉多個靚彎先可以去到... 門口已經超多人係到食緊...而且個個都係多數叫冰 / 腸粉...(不過發覺元朗人係好鐘意食腸粉嫁...基本上10枱都有7-8枱食緊腸粉既...),而且都幾好彩因為鋪入面有位,不過間鋪原來都唔係好大,基本上只放得5-6張細枱 ,(如果多人個D就一定要出門口坐嫁LA!) 而且佢個廚房位都唔算好大,好似比水吧位仲要細呢... 而且佢間野用綠色為主張....不過佢中間夾住D有花既鏡, 所以睇落去唔會綠哇哇~而且佢地又將D推介貼係牆上面 ~唔洗下下要睇MENU都知佢地哩到有咩好食... 原來綿綿冰有好多選擇嫁... 綿綿冰 (芒果刨冰, 芒果汁, 荔枝椰果, 愛玉凍, 哈蜜瓜) ~ 佢D冰唔似以前睇相,報紙咁一條條囉...不過食落都OK,因為佢真係有芒果味既刨冰,但個汁好似麻麻地,,雖然係芒果汁,但好似溝左D花奶落去...不過佢其他配料真係好少呀...荔枝椰果都OK多既,因為細條,所以感覺多D...愛玉凍,佢話似啫喱,但比啫喱稀同感覺似流質,但食落無乜口感同無乜味...哈密瓜,全碟得2嚿...不過真係超甜囉... 下次試埋佢其他冰先得...(不過見多人綠色冰冰(似蜜瓜冰)呢)
