一直對"翡翠拉麵"野無乜期望, 因為以前係沙田試過一次,但今次再去,發覺一定要對佢改觀呀!!! 灣仔哩間BRANCH係大有商場,但如果唔係有人帶住,絕對唔好上去食囉...因為佢亦唔係係G/F個種喎... 假日既LUNCH TIME都唔洗位,仲要有卡位坐添. ...所以証明佢地係唔FULL, 而且坐落都有D吉枱嫁... MENU 有好多野都想食,但又未必可以食到咁多...所以最後點左2個小食,一點炒年榚同一碗麵算同一客小籠包就算LA! 雞絲粉皮 ~ 食唔到有好多雞絲, 青瓜絲都小呀...但佢D粉皮真係好滑好好食,但可惜芝麻醬太多,有D流既既感覺,但口感一流,都OK既... 鹽水鴨 ~ 好明顯係係雪櫃拎出黎,因為咬落去件件都好冰,不過好有鴨味,而且真係啖啖肉,唔會有骨...而且鹽水唔會好咸,個味岩岩好... 上海小籠包 ~ 真係岩岩蒸好就即拎黎...佢D皮真係好薄,(所以一夾就穿左LA!),佢有好多上湯流出黎嫁,而且入面嚿肉好鮮甜呀!!!唔怪得人地個個都話黎到係必食LA! 乾隆粒粒炒年榚 ~ 佢D年榚係細細粒,一粒一口,正,而且佢仲有好多料係入面一齊嫁...有青豆,肉片,菇菇...正呀!!! 沙魚骨海鮮湯拉麵 ~ 初初黎到覺得佢真係好特別呀!因為湯同麵係分開上嫁...佢D麵係上海麵,好爽好香,而個湯飲落無乜味精,不過好香魚味,而且入面真係有好多魚片添呀!
