本來無諗過黎打冷既今日,但點知"豬腳"唔得閒,所以臨時要改地點...但一班人有咩好食呢...係旺角,又可以傾計又唔迫嫁呢!?所以咪即上OPENRICE搵囉... 一係唔搵,搵就要食D少食既野...就係打冷LA!所以就搵到一間只有讚無彈既~ "福來棧潮州打冷" 間野其實唔係咁易搵~(可能唔識路掛),搵左勁耐先知佢係朗豪酒店下面...(邊個會估到一間5星級既HOTEL下面會有個熟食中心嫁!?) 一去到點菜發覺哩間野真係幾多野食嫁 ...(真係傳統個D冷野黎嫁...) 炸蠔餅 ~總係覺得廟街D蠔餅係最好食既...佢又係粉多過D蠔,而且又硬左少少...口感係有,但都無乜味道既~而且又油喎~ 白粥 ~ 初初初黎到以為佢係一碗加左水既飯,但最後先知哩D就真係潮州粥LA!佢D飯都幾好食,幾重飯香,而且好"棉"呀!!! 墨魚拼雞腸 ~ D墨魚片好爽好彈牙,而且佢切得好薄薄,入口方便唔會要咬好耐先吞到...雞腸,唔係咁夠爽,不過都幾入味~ 鵝掌翼 ~ 係超大碟呀~佢D翼勁多同勁大隻...翼尖就少左少少...而且D肉好淋好少味呀!!! 豬頭肉拼豬紅 ~ 豬頭肉覺得同豬耳仔差唔多,不過佢多肉少少,唔似豬耳仔得個爽字...所以比較有咬(口)感...豬紅就好爽,雖然佢都係由雞紅做成,但口感都可以做到豬紅咁...軟身少少... 鹵水鵝 ~一睇就覺得係無半隻,感覺比頭先碟鵝掌差唔多SIZE (其實好似睇人地碟鵝肉仲大過佢呀!!!),而且入面仲要有勁多花生係底,所以感覺上勁多咁..(哩個係全晚最搵笨既餸...),不過佢D鵝係幾入味,又有鵝味,最緊要係D肉好淋...所以食係勁得,但其他超唔得... 紫薑炒牛肉 ~ 第一次見紫薑,發覺原來同菠蘿差唔多樣嫁...所以唔小心中伏,但佢D薑真係幾辣,比平時煮餸個D仲要辣呀...而且D牛肉好似炒得老左少少,而且有D韌~ 炒大腸 ~ 以為好似豬大腸咁炸黎食,黎到知原來都係炒出黎既...佢D大腸好爽好彈牙,感覺有D似食緊珊瑚蚌一樣...而且又要炒得好有火喉,所以成碟野都好香... 芥蘭炒尤魚 ~ 哩D時候仲要食埋D唔多吉利既餸...不過佢D尤魚好甜好鮮味,不過份量好似少左少少...芥蘭就麻麻地,因為硬得黎仲有D苦澀味...
