拜完年,路經"鹿苑"咪同屋企人一齊入去食完返屋企囉~(老媽話自裝修完後N年無黎過MA!) 門口勁多企係到囉...賣外買又有人,係出面D枱等位又有...但天寒地凍當然入返去鋪入面坐LA!但入面都有D空位,都唔明點解D人要坐出面食囉~ (老豆話出面先夠風味喎...) 哩到D SERIVCE 一向都係麻麻地,但新年好似好少少,因為多左人幫手做樓面,但落單快,煮麵慢呢...等左差唔多 5 ~ 10 MINS先有得食... 魚旦河 ~ 河粉都係用D差既河粉,仲要有D河粉係疊埋一齊嫁...不過算LA!哩間D粉一向都麻麻...河底佢地再唔似以前個D淡而無味LA!都有少少味,不過味精更比以前重左...魚旦好似細粒左,不過依然係咁充滿魚味,唔係只係得粉囉...彈牙爽口,數量同以前一樣係得4粒...魚片,炸得好香,同魚旦一樣咁爽口...亦一樣係得4片,但水準多年無變,依然咁好食... 豬肉丸河 ~ 咬落去好香豬味,一樣咁彈牙...而且咬既時候粒丸係有少少汁流出黎嫁...睇得出係新鮮整亦豬多過粉...一碗有5粒好似乒乓波咁大粒...都幾抵食既... 牛什粗麵 ~ 成碗麵都佈滿牛什, 任何部份都有D...牛肚好淋,好入味,牛荔枝聽講都好淋...不過花椒八角好似多左少少,味精太濃...不過睇得出佢D牛什真係泡左好耐,唔係日子有功先至會咁淋咁入味囉...
