好耐無去過盛八食LUNCH LU~今日咁岩係鼠年最後一個工作天一定要好好慶祝,因為終於都辛勤左一年LA~ 去到同上年個時一樣,門口都係黑黑,環境昏暗~ 2點幾先去到既關係,所以已經無乜人LU~ 都係得小貓三兩枱... 不過今年佢D 一人前 SET死洒,唔可以哩個配個樣,想要一樣,第二樣就唔係咁想食既,所以最後點過二人前算, 因為大部份都鐘意食先丫...不過今年比上年真係貴左差唔多10%有多喎...所以真係好貴既LUNCH呀!!! 前菜 : 菜心木魚 ~D菜心只係得葉,好正..但可惜本魚無乜味道..個汁又係一般日本甜鼓油 沙律 ~ 超普通,不過都預左...不過佢樣樣野都幾新鮮,而且仲有好好既味既芝麻醬,所以拌埋食一流~ 面鼓湯 ~ 一般,因為咸左少少,而且味道唔夠濃... 主菜 : 牛肋骨肉 ~ D肉好淋, 食落都幾鮮味,而且幾有牛味... 牛舌 ~ 一直都係最愛,以前係一片片,宜家一條條,所以感覺得多...條狀就可以燒到外脆&熟,內裡仲係生生地,所以咬落去好淋,好有口感...而且咬落感夠到食日式燒肉既幸福~ 黑豚 ~ 似煙肉多D,但佢加埋生薑落去燒,燒出黎好香,而且咬落去,脆脆地,豬肉甘香同食得出薑既芬香~ 雞脾肉 ~ 一直都係好憎,因為唔鐘意佢有綠色既香草,雖然無香草味,但食落一樣無雞味, 雖然係雪藏野,但真係超不如... 盛八腸 ~ 嘩...豬大腸...所以超難食,而且仲要燒喎,所以BAD TASTE呀...不過好彩佢無D怪味囉... 蒸蛋 ~ 燒一半先黎,不過算LA!因為真係岩岩起,唔係放到凍左先拎黎囉...佢D蛋好滑,好香味,而且除左上面既一片冬菇,入仲有一隻都有鮮味既蝦同細半條唔係只得粉既蟹柳呀! 最後就係甜品- 綠茶雪榚 ~好香綠茶味,唔係得個糖字同CREAM係入面囉...但可惜食唔出係咩牌子呀!!!
