前幾天看報紙,說"魚米家"的炸鮮奶好食...所以決定一試... 但發覺魚米家在九龍已經無乜分店可言,而且最後只剩下大角咀那間分店了... 因為係下午茶既關係,所以唔洗等位,一去到就有位坐... 但入面d位都幾迫幾窄下...所以肥少少都未必過到...而且坐得麻麻地舒服... 最後點左一個香茅雞翼米線 & 炸鮮奶 香茅雞翼米線 ~ 一黎到,見到只有一對雞翼都算LA!但佢竟然將D雞翼泡落D湯到,所以雞翼勁淋,而且佢出面個個炸面勁油,一咬落去就FEEL到D油味,勁難食,好彩泡左之后,被肉分開...隻雞翼本身幾好食嫁,但比佢出面破壞洒..唉...D米線好好食,因為煮得岩岩好,唔會過硬同軟姐...個湯食得出好重魚味...而且佢同魚鱻差唔多,但可惜飲得出勁多味道... 炸鮮奶 ~ 期待已久,但可惜失望而回... 一黎到見到佢係岩岩炸起,但咬落個皮勁厚,D鮮奶又唔係鮮奶,只係椰漿,超甜,而且佢一D會流出黎既感覺都無...似一舊已經定型既物體...仲要個底勁多油,見到都有D唔開胃...當食到第二舊已經有飽肚既感覺,唔係因為大件好食,而係太油太流... 熱檸茶 ~ 正常一杯咁普通既茶應該無乜問題,但可惜佢D茶唔係好靚,所以都幾澀下... 以後有機會再黎,都係試返佢D傳統穩陣既" 魚湯魚腐米線"算數...其他不值一試...
