今個月既一月之星有2位呀!(而且仲要一個1 月既第二日,另一個係一月最尾既第2日呀!),所以又可以一班人出黎食飯同唱水LA! 而且2位又無乜特別要求,只係話唔打邊邊,唔BBQ,只係想簡簡單單食餐飯,吹下水,所以就決定揀間CAFE, 仲要方便住係香港,九龍,新界既朋友,所以就揀左位於TST既 " 3J CAFE" 6點幾第一次上去,係超難搵囉...如果唔係先上OPENRICE睇點去,都未必識,因為佢都教只係見到成人商店上就就得... 上個到係無人嫁... 以為佢係剛開鋪,因為連門都未開,要按鐘入嫁... 第二次上去,因為知係邊,所以易D摸上去...但入到去都係無人囉間野,初初以為係自己包左場添... 不過佢間野出面有露台嫁,所以可以係出面BBQ添呀! 7點幾先開始陸續有人黎... 不過個到真係無乜野玩,只有幾副UNO, 點心麻雀 同啤牌就無乜可揀LA!(初初BOOK位個時佢話會買層層疊返黎嫁MA!都呃人既...) 野食都係麻麻地咋... 羅宋什菜湯 ~ 比罐頭湯還要差, 因為喝落第一啖已經知道擺明係開罐頭湯囉...,雖然食落真係好重蕃茄味,但可惜味精都更重,而且又酸喎...所以超差...不過佢個碗幾特別幾靚... 小食拼盤 ~ 超細碟同唔抵食既拼盤, 雞翼只係得2隻咁大罷...全部都係咖哩角多...而且佢D咖哩角又唔好食喎...又唔夠熱喎.只係暖咋...唉...又話有薯皮,但佢話買洒囉...所以都唔知佢點做生意嫁... 日式炸餃子 ~ 同自己係包淘大既餃子返去自己整係無分別囉...又要唔夠熱喎,又唔係特別好食,都唔明點解可以買咁貴囉... 芝士肉醬焗薯皮 ~ 初初以為佢好似焗薯蓉咁...但原來又唔係囉...佢只係拎個薯仔切開幾塊之后加D豬屎同肉碎落去就算...一D HEART都無.而且仲要唔夠熱喎...係要求佢翻叮先至全熱咋...SO CHEAP 白汁海鮮天使麵 ~ 都幾細碟, 不過以SET黎講算OK, 而且佢係焗出黎,所以都幾夠熱,而且佢好多好好味既白汁,同海鮮,但佢絕對唔似天使麵,因為佢比天使麵粗,但又比意粉幼.... 芝士焗吞拿魚意粉 ~ 哩個就算係正常餐廳食到既野LA!芝士好多,正~吞拿魚都係繼續用罐頭吞拿魚,不過算不過不失,幾好食LA! 拿破崙意粉 ~ 因為之前個D意粉係白汁,所以轉個紅汁,但點知...唉...佢用左超多蕃茄落去整,所以超酸, 肉碎都算幾多,但可惜COVER唔到D酸囉...所以都係浪費 海鮮PIZZA ~ 係全晚最好食既野囉...佢D海鮮好多好正...磨菇又多喎...佢係用薄批既做黎整所以好脆,脆得有D似餅乾FEEL囉...雖然唔係好大個, 只係9吋,但睇到佢地有心機去整囉... 最後特別靚太A,佢致送既" 黑森林苦力蛋榚" ....... 睇落去真係唔似一磅囉...而且初初大家都仲研究佢會砌比我地呢...(初初以為佢會長條型砌就算...因為唔洗煩MA!),但佢砌正方型喎...所以唔係件件都咁平均... 不過個CAKE真係幾好食 ,睇落去好似好多苦力MOUSSE,但一D都唔覺得太甜同流囉...而且佢都有幾多生果係個CAKE到...所以哩個真係哩餐最好既DESSERT呀!!!
