都係繼續向魚旦出發,所以就決定去筲箕灣既 - 安利魚旦粉,(睇下佢地有幾好食~) 但係地鐵站一出,竟然發覺有兩間安利嫁...初初係去左"安利大排檔" 拎飛先嫁,因為佢都有人等,但望望下發覺"安利魚旦粉" 仲多人等囉... 所以決定去多人個間食LA!(因為多人食証明唔會差得去邊MA!) 但等左差唔多半鐘先有位囉...入到去發覺D位真係幾窄, 而且入面都唔係好多位咋... 睇得出佢應該係哩幾年翻新過,因為睇落好光猛,好新淨... MEUM只係得一張咭,而且佢點既野都係有限,只係得幾款囉... 最後點左佢地比較出面既野食黎試,但真係有D失望囉~ 魚片頭河 ~ 河粉一睇就知佢唔係用D好靚既河粉黎做,但好彩佢唔係好快索左湯個D河粉囉...魚片頭都算OK,因為有魚味同爽口...不過都係覺得咸左少少...而且佢魚頭得個2嚿咁大把,全部都係魚片多囉...所以有點取巧左少少...D湯真係好真,不過飲得出係好多味精... 切腩河 ~ D牛腩唔係想像中咁好食,雖然睇到佢係一紋紋,食落雖然係好淋,同入味,但佢D唔係好靚既腩囉...同佢D腩真係超瘦囉...都唔係半肥瘦既,有點似呃人喎...佢個腩汁都係好淡囉...所以一D都唔似人地講到有咁好食... 炸魚皮 ~ 佢個炸魚皮就真係好快到呀!!!但佢個湯就黎得超慢囉...而且佢D魚皮仲要超厚,一D魚味都無,放落湯到都無"喳喳"聲既,應該放左好耐LA!唔係話點會無喎...同佢D魚皮唔自太脆口~ 熱奶茶 ~ 好香既茶味,無渣,好滑...所以見好多人都點....果然係無點錯既...哈哈~ 不過哩間野未必會再黎...因為真係麻麻地...
