每次去大角咀都經過哩間"魚鱻"都好想去試...(因為聽講佢地魚湯好鮮味...) 因為2點幾先去到既關係,佢無乜人係入面食,(都有幾多空位),不過真係幾客似雲來,不斷有人走,但亦都有人黎喎... 佢既SERVICE都唔錯,雖然無乜STAFF,但佢地反應好夠快,所以一叫係即黎嫁... 佢地既裝修以綠色為主,牆身同廚房都係咁... 不過佢最攪笑係個收銀, 因為正常人地係會放近門口位置,但佢地係係間鋪頭入面一個角落位到嫁... 佢本MEUM 都有幾多野可以揀嫁,而且佢推介個D,會圈住, 清楚睇到... 最後點左2個米線同1客小食... 漁滑米線 ~ 初初以為佢會好似魚米家咁,係炸左既魚滑,但點知係屋企阿媽成日都整既鯪魚肉,味道一般,食唔出魚滑既鮮味,而且數量又又少又細粒,一D都唔抵同唔好食...而且真係覺得好似係街市買一大嚿返黎,之后放幾粒落去碗米線到咁...不過佢D魚湯真係超得,奶白色既濃湯,一飲就知佢係用馬友魚煲同佢絕少味道,勁多鮮味~ 炸魚餅魚湯米線 ~ 麵底同湯係同漁滑個個底係無分別,只係佢D魚餅係分開上,不過魚餅真係即叫即炒,所以熱辣辣嫁,食落去有D似炸鯪魚球FEEL (只係壓扁左既炸鯪魚球ONLY),不過哩個係鮮味過魚滑好多...但一定要趁熱食,因為凍左食係會腥嫁... 炸墨魚丸 ~初初點個時以為好多,但點知得6粒咁大罷囉...(又係唔抵食!!!),可能放左一陣先食既關係,佢已經係凍左LA!食落仲要好奇怪添,第一啖覺得佢出面個皮有D似卡樂B薯片既味道,但食耐D竟然有腐乳味呀...所以一句講洒真係好怪...不過佢入面真係好彈牙,食得出係都有墨魚,唔係得粉,所以無左個皮都幾好食既,但可惜... 哩野比想像中差,雖然樣樣都係不過不失,但真係不值不試~
