一直多年既心願就係黎佛山旋宮大酒店既18/F飲一次茶... 已經差唔多10點先去到...(大陸習慣好早飲茶, 晏D就無野食嫁LA!),但都要等一陣先有位呀...之前諗住打去BOOK,但又話無得BOOK喎...(都唔知咩酒店,無得BOOK喎...) 不過雖然坐近窗邊,但發覺佢地D空氣真係起差,勁多塵,而且又大霧喎... 所以都唔可以睇得好清楚 FOSHAN個景呀...而且哩到話要轉一個圈大約1 HRS,但周圍蒙查查,有鬼用咩... 佢個MENU真係好多野食嫁... 但可惜好多都係話售罄,一係話無喎~唉!而且PRC好興每一間餐廳/酒樓都會出自己既TISSUE嫁喎... 但佢D質料係點就...(都係用返TEMPO好D...) 湯水餃 ~ 超難食, D水皮勁厚,而且入面超多肥豬肉,而且個湯又咸,精味又重,而且仲要勁多油浮面呀...(大佬,見到都唔開胃LA!) 福果蒸豬肚 ~ 本來叫金錢肚,但黎左豬肚囉...(算LA!)不過佢都OK新鮮既,最少佢真係用新鮮既豬肚整,唔係雪藏豬整先...咬落雖然肥肥地,但好好咬口~可以一試既~ 豉汁蒸排骨 ~ 排骨都算淋易咬口,但好似落得鬆肉粉太多,無乜肉既鮮味...不過都OK LA! OK汁蒸鳳爪 ~ 比HK細隻既鳳爪細隻勁多,但道又係差唔多咋喎!所以無乜特別~ 滑肉腸 ~ 本來想叫蝦腸,但佢話全部關於蝦既腸粉全部售罄,所以只好叫豬肉腸囉...但哩個一定係全餐全掂既一個LA!佢D腸粉好滑好爽(食落去就知真係布拉腸LA!),而且好香米味嫁...(咬落去好有幸福既感覺~呵呵)豬肉都幾滑,爽埋D腸粒簡值一流呀! 鳳凰流沙包 ~ 一D都唔流沙囉...流都係得個少少...而且入面仲要係暖唔係熱囉...所以點流出黎呀!而且又要無乜味喎...得個甜字,連少少旦黃同咸旦味都無呀...所以哩個只可以叫甜包,佢連奶黃包都不如呀! 北海墨魚餅 ~ 以為佢有咩特別,但同出面食到既一樣,墨魚就無乜,粉就大把...不過哩個都可以叫即煎好即上枱既...但可惜太過油丫...(個碟底反洒光囉...)味道一般不過不失~ 試過一次之後,哩間野對佢完全失望...而且無必要唔會再黎...(人地請都未必會去呀...何況要錢丫...)
