一直都聽講話"三河屋 "有幾好食,有幾多人排隊,今日趁冬至,應該無乜人既關係,就去見識見識~ 因為佢地LUNCH只做三個鐘(12:00~14:30) 既關係,所以要唔可以太遲去,唔係去到又無得食呀~ 初初去到,見佢地樓上搭洒棚,所以門口個名真係比佢遮左姐, 但好彩都有人係到等(2~3PAIRS情侶)不過等左唔係耐就有位LA~ 入到去,見佢真係鋪頭細細,最多都係坐到20幾人咋... 而且佢地又無開冷氣喎...所以又熱又焗呀! 佢地位無乜點裝修,牆上面就貼滿MEUM~ 但最大特色係佢掛左3件傳統日式師傳既衫係到呀! 因為唔係太肚餓既關係,只可以點個MAIN COURSE食就算LA!但佢個MEUM勁反光囉...所以睇得都幾辛苦嫁... 咖哩飯 ~ 佢地D咖哩唔夠濃(雖然無日本個D咁濃),但好香,而且見佢地咁稀,應該唔方好食得去邊,但發覺唔係囉~雖然只係咖哩飯(無料),但佢一D都唔悋懎佢地D咖哩汁同薯仔囉~一個咁既飯真係夠洒飽嫁LA! 鰻魚飯 ~ 又係佢地既熱賣,佢地D鰻魚係起大塊同厚,條魚燒得岩岩好,無太過火~初初見佢D飯係無乜汁嫁,但愈食先發覺D鰻魚汁係個底到,所以愈食愈"流"呀!所以下次有機會食哩個,都係同人SHARE算,唔可以一個獨享~ 海老天婦羅 ~ 佢地一SET有5隻蝦,佢地用中蝦炸,上枱既時候仲係熱辣辣嫁...佢地D炸漿又岩岩,出黎唔會好厚,食落去D蝦有鮮味~所以見每枱都緊有一碟係到囉~ 麵鼓湯 ~ 嘩...又係食SET必配嫁...見佢碗湯係咁淡色,以為飲唔飲都得個D.因為怕佢一係咸到死,一係同比碗有少少味同色既水無分別,但通通都估錯囉...佢係同日本個種麵鼓湯差唔多嫁,所以飲落又有一種好幸福既感覺喎...但可惜當碗湯凍左之後,佢係咸到無輪嫁... 但哩間野係值得再試嫁,因為價錢大眾化,但全部都係大埋頭...正!
