荃灣,一直既印象都係米線,珍珠奶茶....估唔到都有咁多間好食出名既茶餐廳囉~ "嘉樂冰室",一直都係無聽過,只係聽人講佢好食又抵食,所以決定一試,但一去到,只可以嘩一聲,因為係起多人係到排隊... 睇到佢個門牌就知唔野少呀...因為仲係右至左咁寫嫁,佢個門牌最少都有20年歷史以上LA!而且佢門口個D燈,仲係要通花個D燈蓋嫁, 所以哩間野分分餐大過自己呀!!! 排緊既時候,都未知有咩好食,所以只可以問前面個個UNCLE,佢話哩到D野唔算特別好食,不過出名係大件夾抵食,好多人都食唔洒囉...以前仲抵食喎,係哩幾年成本大左先至無左D餐,要散叫咋... 等左45MINS終於入到去LA~入到去,真係以為自己返左去70,80年代呀... 因為佢入面既裝修係勁懷舊,(証明佢地應該咁多年都係無執過嫁...),而且可以想像下當年既人拍拖去哩D冰室飲返杯冰,係到談心既感覺呀! 坐落見樣樣野都係大大碟,又要出名係庵列,所以決定一試... 火腿蛋庵列 ~ 初初見人地成座山個D以為係大,所以叫火腿蛋庵列(細)算LA!但點知一黎到就知原來個個成座山個D都係細咋...哩座山, 一見就知落左勁多蛋落去整,火腿又要勁多喎...佢D蛋好滑,係岩岩好熟,無煎得過火,入面間唔中仲有D半生熟既蛋白嫁...火腿佢地都無悋嗇嫁,係每一層蛋入面都有勁多火腿絲係入面...仲要有埋牛油方包,所以真係一個好豐富既午(早)餐囉... 奶茶 ~ 佢同D傳統既茶餐廳一樣,茶香奶滑,飲落去唔似宜家D餐廳咁,有苦澀味囉... 而且見對面個枱佢地點左D鹵水雞翼 ,好香呀...仲要聽到話佢地係即叫即鹵嫁,所以下次有機會一定要食...
