行完威尼斯人都天黑LA~不過周圍黑麻麻望落威尼斯人好似仲靚添喎~ 之後就係行返出去氹仔LU~行行下見到個奇觀呀~就係見到天上高高掛住個笑容呀! (咁大個女第一次見咋...而且都唔知之後仲有冇機會見第二次呀!) 是日晚餐就去左達榮 食晚飯...(哩間滔滔都有介紹過嫁...),可能由於時間尚早既關係掛...6點幾都得得2枱咋... (包括我哩枱....),最後點左一個: 魚翅撈飯 ~ 其實都幾多魚翅既,但個D唔係一梳梳個D,而係好似花膠咁FEEL...不過個湯係好食飲既,因為好鮮甜嫁...所以撈飯食一流...有冇個D料都無所謂... 鯊魚餅麵 ~ 一黎到發覺超多油呀!D鯊魚餅其實同普通魚餅係無乜分別嫁...而且佢炸完仲要勁多油添~個麵又唔好食喎~又淋又無重梘水味... 食飽飽就搭返巴士出返市中心LA!但一落車發覺原來哩都有德興 嫁...但如果係黎旅行,又點會去試呀! 之後就去左新八百伴行下 ....(佢上年已經係新口岸個邊搬左去英皇隔離LU~),所以就去8掛下...估唔到佢地比舊檔大超多...最少佢地個SUPERMARKET已經係以前個到一倍LA~不過佢地宜家有D似CITYSUPER咁囉~都多野都係日本進口,唔似以前咁LOCAL LU~ 不過最緊要係佢地到竟然有CHRISTIAN LACROIX EVIAN CROSSOVER個支水呀~ (我只係上網見過人地講BKK有咋...連HK都好似唔覺睇有呀~),但真係太貴同無用,所以都係睇下佢算LU~ 行完打算離開,點知發覺佢地唔至大左,連垃圾筒都唔同左,變得CUTE左勁多呀! 下一站就係去16蒲, 初初對佢好有期望以為又有一個新商場行嫁...點知又未開喎~而且入個賭場又勁多人食煙喎~超差... 去到舊碼頭個邊,當然要去個邊食宵夜LA~初初諗住係街邊食粥邊嫁...但又唔係咁吸引,糖水又得中式個D喎~所以就寧行遠少少去沙犂頭LA~,本來想去食細龜既,但佢竟然無開,咁無得就一定要食六記 LA~今次黎到無再食佢既炸鯪魚球同蝦子麵,反而轉左食佢其他野~ 水蟹粥 ~超大碗,而且入面仲有一隻水蟹係到嫁...不過隻水蟹就無乜肉,不過幾鮮甜既,但最正一定係個粥LA!因為佢好綿,而且佢吸洒水蟹既鮮味,簡直一流~ 豉油王炒麵 ~ 睇落真係唔吸引,但食落好正,因為入面有好多肉片嫁....而且佢D麵仲要用竹昇打出黎嫁...所以好彈牙~ 食飽飽就行返去新馬路LA~ 發覺佢地已經整好D燈飾LU~但可惜要下星期先開呀~OH~早左一星期黎添~ 上到大三巴 ,發覺係無乜人嫁...可能真係平日,但感覺好舒服囉~D秋風吹埋黎,仲要靜靜地...唔洗好似日頭咁...咁多遊客係到嘈住洒...靜靜地係到呆企...好RELAX~ 差唔多12點就行返HOTEL LU~但中途竟然見到好無係HK見過既車仔檔 呀~ 佢地買緊腸粉燒賣呀~嗅到好香...好想食呀~但可惜仲好飽呢...所以唯有下次再有機會見到再食囉~
