一年無去過澳門LA!難得可以偷得浮生半日閒,所以就去澳門走一走LA! 廣告成日都話黎澳門當然搭"新渡輪", 不過對一般住九龍/新界既人黎講去澳門搭新渡輪的確方便D既~ 上船個陣其實係無乜人嫁... (可能係平日關係LA!),所以上左船D位係任坐嫁...(尤其中間位個D LA!窗口睇好唔好彩LA!) 經過一個鐘多少少既煎熬,終於都到LA!澳門感覺好似N年都無乜點變...而且一經過條橋D水就好定唔似HK咁大浪囉~ 今次一出碼頭已經唔見左回力賭場個隻船LA!只係望到就到"漁人碼頭"咋... 但今次絕對唔會再做愚人入去哩個地方嫁LA!因為真係超悶無野睇MA! 今次依舊住返帝濠,但點知佢地今次唔止UPGRADE 住EXECTIVE FLOOR咁少,仲比埋間套房呀!!! 間房其實唔算好大...雖然佢係有廰有房,但佢個廰只不過係間房個個AREA, 只係唔夠位放張床,先出現到一間套房出黎... 不過間房個VIEW真係麻麻地...只可以望內街既景... (如果住另一邊可以望到星際同少少海嫁...) 如果可以3:00去到氹仔,就可以食大利 既"豬扒包" LA! (因為好多書都有介紹嫁...) 可能係平日既關係, 差唔多4點去到都有得食...但好似無左以前咁好食LA!(聽D澳門人講,宜家其他地方有D比佢地整得仲好食添呀~) 大利對出個D BUILDING 咁多年都係仲未知佢起黎係咩用途既!?只係知真係幾靚,HOTEL又矮,但住宅又唔似,咁究竟係咩黎嫁呢!? 威尼斯人,其實遠睇真係好宏偉同壯觀嫁... 因為佢又高又大座喎~ 今次黎到威尼斯 已經無左岩岩開個時咁多人LA!不過最多既人咪都係班自由行囉~ 賭場宜家加左個板同指示牌呀 ~唔似以前咁...可以自出自入LU~ SHOPPING魔同賭魔真係2個世界黎嫁...SHOPPING魔個感覺和諧D,多D野睇,而且佢係見到藍天(雖然係假...) ,但點都好過只係見到個水晶燈同天花板丫... 沿途一直行都見到好多人係到影相 ...不過真係少左超多人...(最少唔洗等位就可以影到相囉...) 行到有D CORNER位.望上天花就會發現佢有D好靚雕花~ 不過佢太高LA!未必睇得好DETAIL, 要影出黎慢慢欣賞嫁...(呵呵~) 以前NARAYA 就話要去到泰國先有得買姐,宜家連澳門都有,咁仲咩要搭飛機過去買呀!? (不過哩到比泰國真係幾2倍呀~所以都係睇岩,有時間飛去泰國買算LU~) 以前哩到好HIT有人拉船仔嫁~不過今日所見無乜幾多架囉...最多都係得2-3架,仲要有D就咁泊埋一邊就算LU~ 唉...真係今時唔同往日...
