一直係OPENRICE同聽人講"時新"D漢堡包有幾好食,幾得...終於都等到.今日有機會去試一試LA~ 去到發覺真係一間唔起眼既快餐店囉...(跟本係係由細細個到宜家經過都唔會覺得佢係一間咁出名既野...只係覺得點解一間咁舊既餐廳咁多年仲係到,仲未執呢!?) 佢既裝修真係80~90年代個D裝修,唔華麗,只係簡簡單單一間快餐店,四周圍D牆係用磚砌出黎, 同一個經共既開放式既廚房... 而且佢D價錢同類別係貼洒出黎,方便睇有咩食,睇知幾錢~ (唔錯唔錯~) 而且佢個D野真係即叫即整,絕對唔係整好左,之後人地叫再整返熱個D囉~(值得一讚呀...所以等耐少少都唔怕呀~) 雙層芝士蛋漢堡 (配沙律醬) - 佢真係好厚囉~好難可以一啖咬落去,不過D麵包其實同GARDEN個D係無乜分別,豬屎真係比M記個D好食,但食唔到一塊囉...蛋,只係普通既煎蛋,但當然有HEART過M記個D LA!佢話漢堡扒更係無一間同佢有得比呀...因為佢塊扒真係自己HAND MADE返黎嫁...入面混入左洋蔥,塊肉仲要好有肉地,又軟喎~所以哩個BURGER真係無一間大品牌係做到囉... 凍檸檬茶 - 當叫走冰,好多人都未必願意, 因為凍飲走冰不如唔好叫凍飲LA~不過因為貪佢有糖水姐...但哩間野雖然聽到都幾驚訝,但都可以照做...佢D茶好香好濃,所以飲到係有茶味,而且雖然係走左冰,但佢D糖水都無少...所以一讚呀... 炸雞脾 - 超好食呀...因為岩岩炸起,係熱嫁;雖然唔係好大隻,但真係皮脆肉嫩,炸出黎既感覺唔係好多油,所以好好食,食落去諗返起細細個食炸雞脾個種FEEL添呀...係一食難忘~ 炸薯條 - 只係一般, 因為佢D薯條唔係熱囉...唔似岩岩炸起個D黎...不過佢無華鹹係到,所以感覺唔到佢係咸囉...不過D薯條唔係佢地自己整囉...係出面買個D,所以哩個基本上係出面都買得到囉...下次哩個可以唔食...
