今個月有今月之星女豬腳既生日,所以順佢意,帶佢去打邊邊~ 有人提議去創興5/F,因為話D野食新鮮,抵食...所以決定一試~(不過試過哩一次,一大班一定唔會再黎,因為只限2HRS,哩個都唔係問題,要繼續坐/食要加$30喎...覺得唔多合理,同局加囉...) 7:00PM上到去發覺係無乜人囉...(比起樓下德興,簡直相差得遠呀!) 佢D料油係自己任揀任拎同任溝嫁... 所以以一班唔會蝕底既人黎講,當然樣樣都拎洒佢LA!但其實多數人都係用熟蒜同辣椒絲呀咋... 佢話送D生蝦比我地食,而且佢都幾除意比,因為哩到唔止每人2隻嫁...而且D蝦都幾新鮮,唔係死蝦先送比我地,不過當落ORDER點個時就無左蝦哩個揀囉... 見到個鍋,發覺勁大囉...肯定大過所以有個面呀...(所以每一次D料一黎都係一次過倒落去,等佢自己滾熟佢) 佢D料都有好多野揀呀...(雖然全部都係平價貨,但最緊要多選擇,諗到D咩都可以食到...)不過佢地好多時都漏單囉...所以真係要叫多幾次...而且黎野又黎得慢喎...所以要落好多ROUND先可以滿足我地班大胃王呀... 第一ROUND, 牛根(講好似無乜味), 生吊筒 (好新鮮,唔會好SAN), 生蠔(雖然唔係好大隻,但都算新鮮), 美國肥牛(超得,佢D肉同脂肪都OK,唔係差個D低級肥牛), 脆鯇腩/脆鯇雲(一放落去就散洒,但都可以食得出魚既鮮味,下次一定要搵野裝住先可以拎去滾)... 第二ROUND 金菇, 駝鳥肉(佢真係好食過牛肉,點滾都咁"淋"唔會韌),鮮冬菇(佢吸洒D湯,正...)炸魚皮(好似一碟人地食剩就咁拎過黎咁...勁過份~) 第三EOUND - 秀珍菇, 黑毛豚肉(扮日本個D豚肉咁,但係比佢扮到喎...好"淋",有豬味),手打四寶丸(豬肉丸-有大量豬肉係入面,一D都無慳料; 墨魚丸-入面真係有墨魚嫁,但分量唔算好多,但真係打得好爽;鯪魚球-同飲茶個D係無分別囉;牛丸-入口有牛味,而且硬得黎帶點爽),鮮蝦雲吞(入面都無乜蝦既,同X大個D差唔多),炸魚皮(再黎過,就唔信佢都仲係咁呀...不過真係靚左...哈哈~) 第四ROUND - 布包豆腐(黎到就碎左,不過d豆腐無乜豆味...);鮮吊筒(因為好食,而且佢滾幾耐都唔會老);鵝腸(好似染左咁,睇落去一D都唔似囉...不過食落都係爽口既...);黑毛豚肉;福洲魚旦(睇落去好似好得,但勁咸,而且勁多粉無魚味);貢丸(好重豬肉味,而且勁多冬菇,正...) 第五ROUND - 耦片(得個爽字,無乜味...);魚皮餃;布包豆腐;黑我豚肉;駝鳥肉 第六ROUND - 醬爆豬肉丸(聽講話入面真係好醬爆,因為無試,不過不值一試...);牛丸(爽口彈牙,好重牛味,而且好新鮮...);豬屎腸(滾一滾就爆,不過睇到好多豬屎汁流出黎...);粉絲(索D咁多料既湯好好食,入洒味,所以係各食家必爭之選);生蠔'金菇;秀珍菇;駝鳥肉;粟米(真係超甜,仲要點左幾多ROUND先黎得一碟咁大把...所以又係勁多人爭) 第七ROUND (最後一ROUND) - 牛骨髓(咁就撈撈食佢有味都OK,但邊邊咁食,真係接受唔到,好難食...)牛栢葉(好大片,不過又好快消失既野食...);炸魚皮;駝鳥肉;西生菜(都係第一次打邊邊會落落去,但好好食,佢D菜好嫩,最緊要係棵棵都無蟲蟲嫁...) 當大家飲飽食醉既時候,同場仲加映女豬腳撩仔記呢~ 說話突然有一班O靚仔入黎喎...仲要坐我地附近,個時有個人提議叫我去識其中一個,哩間就唔洗錢,但我話我點都唔會為少少犧牲色相囉...但個女豬腳就話想搵個黑框眼鏡既哥哥仔幫我地手影相喎...所以我唯有行過去搵個個哥哥仔囉...影完相之后個哥哥仔仲同豬腳講左句"生日快樂",豬腳就勁開心LA!估唔到一個O靚仔就可以哄到豬腳...唉~