係OPENRICE唔覺意發現左佢,仲要咁多人都讚GOOD喎...有機會當然要去試下LA!(好難得有哩D機會去試到新野嫁~) 因為位於大角咀,仲要唔多熟路,所以要靠去搵,但點知原來間野係力奇隔離街,早知一直向力奇方向行就得LA! 佢地既門牌其實唔係好起眼 ,(如果唔係睇左,都未必會入去食囉...),而且門口仲要擺左部工程車係到擋住線視添呀... 不過佢地D SERVICE都唔錯嫁...因為全程都有人不停加水,而且一食完就會問仲要唔要,黎收左D碟,唔洗係到阻住張枱...而且佢有個高級個個姐姐幾靚嫁.短頭髮,眼大大... 佢地既裝修,似西餐廳加CAFE既裝修,暗暗地幾有情調,而且不斷係到播住D英文情歌,所以個到大部份都係情侶黎幫襯... 而且佢個廚房仲要開房式,所以睇到,人地ORDER DESSERT,佢地真係即整嫁~ 落ORDER 既時候,靚姐姐佢好好人咁推介佢地餐廳有咩好食...不過最後都係點返所以有推介個D : 小食拼盤 (焗蜜糖雞翼, 手指魚柳, 洋蔥圈, 咖哩角) : 焗蜜糖雞翼 - 睇落好似同出面個D小食拼盤無分別,但佢比出面好食囉...雞翼,佢炸得岩岩好,唔係太乾,而且仲保持住雞肉既嫩滑,表面D汁,初初仲以為係油黎嫁.但食落先知係HONEY.所以好好食呀... 手指魚柳 - 好少拼盤係用魚柳黎做,多數都係用薯條, 佢D魚柳食落都幾鮮味,不過佢唔應該用甜酸醬黎做SAUCE囉...應該用沙律醬囉... 洋蔥圈 - 炸得岩岩好,而且入面D洋蔥同個圈係一樣嫁,唔係個D洋蔥少少,個圈大大個D.所以GOOD呀! 咖哩角 - 入面好多料,不過都係食唔出有咩囉...只係知一定有蘿蔔,而且咖哩味幾重,但唔算太濃,唔會搶左D料既味... 金船長芝士漢堡包 - 哩個係招牌,所以一定要佢LA!哩個包包真係超得多~本來想拎起食嫁,但太多料LA!所以唔可以一啖過食呀...佢入面有好多蕃茄,酸青瓜,洋蔥,仲有好大塊同好厚既漢堡呀... (佢會問你塊扒要幾多成嫁...所以可以以自己喜好既決定,唔錯唔錯~),再加埋岩岩炸起既薯條,真係一個好MATCH呀...一個人食洒都飽飽LA! 車仔意粉 - 好似車仔麵咁,可以自己選擇想食既野,所以用揀左墨汁粉, 香草忌廉汁,芝士, 鴨胸,煙三文魚...佢d墨汁麵食唔出有墨汁味囉,但佢係焗出黎,都幾好食既,不過好食在芝士同忌廉姐...鴨胸同三文煙真係切得好碎,所以食左都唔覺,無乜口感... 黑松露菌醬意式馬斯卡普芝士夾心比薩 - 佢話只係佢地哩間野食到囉...不過我都信,好少聽到,而且價錢又要唔貴喎...而且佢有3種食法,每一次食法都食到唔同既FEEL: 第一種: 咩都唔加,就咁食~ 第二種: 加少少提子醋落去個面~ 第三種: 少少提子醋同埋伴碟既菜一齊食~ 不過只係食到第一個食法咋...因為實在太飽LA!只係食左一塊,根本無可能試洒全部食法,不過佢食落去好SPECIAL,因為根本食唔到黑松露既味道,只係食到好濃濃既芝士味(佢話D芝士係用做TIRAMISU個D芝士黎做,所以好似食緊CKAE咁呀...)而且佢餅面有好多小麥粉(個味道好似食緊麥精咁...)係到,所以超好食呀!一個PIZZA有3種食味,幾種口感... 最後點左2個至愛既DESSERT: 香蕉味梳乎里 - 未試過香蕉味,最多都係食原味, 士多啤梨同香橙,都係第一次食香蕉...不過出乎像想,好好食,因為好香同重蕉味~不過佢個外表真係一般囉...佢係發得好大,但可惜係側埋一邊囉...但佢真係夠熱,仲要話食得甜品先至開始整,所以即焗即食呀! 朱古力心太軟 - 都係好多人會點既甜品,佢都算大個嫁,而且佢外層薄薄,一拮穿左,佢朱古力醬流出黎個下好澎湃,証明佢D朱古力係勁多囉... 佢個野唔算太熱,暖暖地食落去唔會辣親條脷,再加埋一個雲呢拿雪榚,真係好一個對比,一冷一熱~但哩個真係覺得麻麻地,因為對於一個鐘意食朱古力既我黎講,佢實在太甜LA!
