最後一日台北之旅~ CHECK OUT,竟然漏左早餐卷係房,但佢地好好人比埋我地食埋....但最後既早餐同前2日都係咁...又係火腿煎雙蛋... 放過我LA! 因為星期日既關係西門町好早就好多人... 住左咁多日,都未近距離望過座紅樓, 佢真係好大,不過哩到同對面既西門町格格不入咁...(因為古舊建築VS繁華市區) 忠考復興站,有幾間大型商場, 但可惜好多都係未開既...所以唯有行返東區地下街 囉...但點知佢係好多鋪頭都係未開 ,開左既只有食店 ... 黎到忠考敦化,一定要去D食店睇睇,因為好多書都勁介紹哩條街食野嫁... 個到有有烏鴉餐廳 , 度小月 ...仲有其他添呀!(住哩到都唔錯喎!日日都可以食唔到既餐廳~) 鼎泰豐 ,雖然HK有分店,但黎到台灣唔食過總係欠左D野咁既...(不過鼎泰豐D哥哥姐姐,個個真係樣靚嫁...)而且黎到一定要食HK係無既野,而台灣都係限定時間先有得食既小籠包湯... 小籠包湯 ,其實只係細隻D既小籠包,但佢要配埋上湯一齊食先至得嫁...所以係一個只有台灣(得永康街同忠考店先有,仲要時間由10:00~11:00咋),所以好矜貴嫁...唔係話食就食呀... 食飽飽,就去D橫街睇睇,因為哩到D橫街真係尋寶既好地方...不過亦係好多鋪頭都未開門,只可以WINDOW SHOPPING下咋... MIRTOKU, 佢D袋真係好靚,但可惜都係好貴,而且佢話係真皮喎~但真係唔識睇囉~ 搭的士 由忠考去永康街,其實唔係好遠,沿途仲見佢地有捷運工程 ,睇個款似將來永康街都有個捷運站,唔洗再搭的士喎~ 嘩...永康街真係成條食街黎嫁... 超多野食囉....不過真係到此一遊算LA!鼎泰豐總店 迫爆人潮,個個係到等位喎.但高記 就無人喎...不過睇落高記都貴D既... 永康公園入面竟然有孫中山先生既銅像係到呀 ...嘩...果然低調呀!!! 昭和町, 初初諗住入去睇下有咩玩具個D買嫁,但可惜又係未開,所以唯有下次有機會再黎過囉...
