菁桐附近D山都好靚,有D似HK既水塘景咁嫁...所以感覺好舒服好寧靜~ 一入到去見到好多竹掛係到, 之後先發覺哩到係許願嫁...(只要將心願寫上去,就有機會會誠真嫁LA!) 不過佢 最大特點係可以企係路軌到影相~(雖然HK有都個鐵路博物館,但個FEEL真係唔同囉...),而且周圍D人都係企洒係條軌到影相喎... 不過當有火車黎,D火車會"唓唓"聲叫人快D行開嫁...當有車黎,D人好似走難咁走,好得意嫁... 菁桐鐵路站, 佢好多人係到影相囉...雖然好似無乜野咁,但最大特式係佢地門口有2個郵筒同一個郵差叔叔公仔嫁... 而且仲可以買木製既POST CARD,寄返屋企添呀~ 黎開菁桐車站,行多一陣就會見楊家雞捲嫁LA! 黎得哩到一定要試一試楊家雞捲 ,因為之前睇DISCOVERY CHANNEL介紹過哩間野嫁,所以點都要入去試一試LA! 雞捲 - 好油,麻麻地好食,入面只有芋頭粒,洋蔥,蘿蔔同D肉,完全無雞肉係到囉...仲要奇怪佢地點蕃汁黎食嫁...(感覺唔MATCH囉...)不過佢個介紹原來雞捲係南台話黎嫁,佢地實際係菜捲黎嫁... 傳統肉羮 - 真係最美味既湯呀...佢D湯好大陣芶芡,但佢話無加,不過佢D湯真係好清,(又唔覺得佢有味精係入面喎...),佢D肉真係好好食,佢打到好似D鯪魚球咁,但我知佢用魚加少少豬肉而做成既... 由菁桐 行落平溪只係需要15-20MINS,沿路可以欣賞下平溪鄉既風光,所以好舒服呀~而且可以順便當行下山... 一路都係沿住個路軌...而且估唔到中途係會見到D屋仔嫁... (以為多數會只係集中係菁桐/平溪入面添呀!)行行下中途仲見人係到放天燈呀... (估唔日頭都有人放天燈囉...仲以為夜晚先有既添...),天燈真係飛得好高嫁初初,但可惜又落去毛毛雨呀...個天燈就愈飛愈低LA!最后仲係樹林到降落添呀! 行到一半就會見到有個路牌 ,話前面就係平溪,後面係菁桐LA!再行前見到莊敬橋 再行多一陣就會到平溪嫁LA! 平溪, 一入到村口,就見到有個MAP 係到LA(介紹平溪大概係點...)排,而且平溪應該係分2邊嫁.. .一邊就係馬路,一邊就係近路軌..不過哩到真係無乜野睇囉~只係得個2~3檔買小天燈既鋪仔同幾檔小食店~ 不過佢最大特色都係個路軌係條橋上面,仲要條橋係無欄杆嫁... 不過個FEEL好靚呀!(有機會我都想上去行下,不過真係見一對情侶係到行,但點知有車黎緊喎,所以佢地即雞飛狗走LA!場面勁攪笑囉!!!) 行完就搭火車落十份LU~不過佢得一個月台,所以佢好清楚講明邊個方向去邊...
