今次返出淡水就決定試搭佢地台灣D巴士...但巴士全程,基本上都係吉車 ,所以好似包巴士...正呀... 成架巴士最特別係佢有牌 ,乘客留心D既話可以睇到佢話: "下站轉車; 轉左/右; 中途煞車 " 嫁...好得意嫁,但點解HK無既!? 中途經過紅毛城 ,但好快又走左LA!而且出去個時全程又無落雨喎!激死~ 當返到淡水,覺得黎左咁多日都未有個飽飯落肚,所以去左MOS BURGER 醫下個肚先...唔知係唔係過左TEA TIME,但又未到DINNER呢...入面無乜人喎~ 叫左個海鮮包套餐,另加左個紅豆白玉批,但佢另送個左啫喱喎! 但佢話個包要等喎~所以返埋位先,一陣會送過黎,而且不過可以先拎左包薯條,汽水同個批返埋位食住先...D薯條好粗好好食呀...好有薯仔味,汽水係超大杯呀...(好似M記加大咁...),紅豆白玉,佢D紅豆好好食,但食完都唔知白玉咩黎嫁...但整體黎講個批唔係咁好食...海鮮包, 佢入面真係有幾多海鮮嫁,有蝦,帶子...初初食都覺得麻麻地,但食食下有埋D汁,覺得哩個包好好食,而且終於都有飽飯落肚LA! 再行一陣淡水內街, 哩邊就比較住宅區少少,而且D街邊小食岩岩先至開檔...不過都幾多野食嫁... 雖然係飽,但有檔叫"李家滷味", 又係好多人等,所以又要買黎試試LA~最後買左佢地個招牌小食 - QQ魚肚... 佢個個魚肚似豬耳仔多過似魚肚囉...因為有軟骨同爽口喎!(真係無買錯呀!呵呵~) 搭返捷運出劍潭 ,但個天都開始變黑U~ 係劍潭勁多人等SHUTTLE BUS入去美麗華呀...等左20MINS先有車,(不過好彩有位坐咋~),而且書又話係劍潭入去好快囉...但都搭左成15MINS先到呀!(中途已經無乜塞車,唔係仲耐呀!!!) 一去到就落雨LA! 但唔理咁多,第一時間衝上去搭摩天輪第二站-台北美麗華摩天輪先 ~(呵呵~) 上到上面,D雨仲要愈落愈大呀...但點都好過毛毛雨,因為大雨,係窗望出去仲清過毛毛雨嫁...不過美麗華周圍都係平房多, 同黑麻麻,所以D VIEW唔算特別靚囉...可能佢係個商場入面LA!所以又唔覺得佢好高喎! 商場入面其實無乜野好行...最多都係SNOOPY 同AGNES B., 因為有個WALLET, HK係無嫁,但可惜係貴過HK囉~ 臨走前,見到CAR PARK影摩天輪仲靚, 所以唔洗落幾大雨衝過去影幾相靚相先走...哈哈...因為真係好靚嫁~ 出返市林夜市,天公終於做美LA! 全程都無落雨,落都係好微既雨咋...行完街街先食野,但D街係好窄,因為條路中間仲要有D流動小販係到,所以勁多人,勁迫,而且有好多分支路口,永遠覺得行極都行唔完... 士林臨時市場,係開餐既地方,但其實檔檔都係買差唔多既野,所以只係覺得合眼緣就入去幫襯嫁LA! 蚵仔煎 - 黎台灣必食既...佢D蠔仔係比HK新鮮嫁,但可惜我唔係咁鐘意食佢中間個D白色液體,成日都覺得好似鼻涕咁...哈哈~ 粟米濃湯 ~ 一碗無乜味既湯,粟米得個幾粒,全碗野都係靠BLACK PEPPER黎吊味咋,所以下次咪攪... 官財板 - 總匯,即係樣樣都有D係入面,但有肉類(雞,牛,豬)同海鮮(蝦,蟹)可以揀既!所以揀左雞同蟹~雖然話雞,但真係食唔出有雞囉...哈哈..不過蟹肉勁多,所以好好食...但最好食係佢個麵包呀...因為佢係特厚多士黎嫁...(最愛呀!),真係覺得一件唔夠嫁,但可惜想試其他野,所以唯有下次再食過... 不過哩檔野,佢有個好得意既妹妹仔幫手嫁 ,雖然佢無做過咩,只係企係到幫佢姨姨手,但已經足夠吸引到人地去佢個檔到食野LA! 最後臨走,買左黑椒腸,大豪炸雞扒 同白苦瓜汁 返HOTEL食... 返到HOTEL,只係放低D野就出去西門町夜遊LU~但唔知點解返HOTEL時,D鋪頭仲開緊,只係短短5MINS時間,好多鋪頭就收左LA!所以只可以係出面行下就算~但可惜勁大雨囉... 所以只可以行下誠品咋,但入面買個D野,全部都好貴呢...所以都無乜心機行... 最後諗住去埋甜不辣買多少少野返HOTEL食嫁,但點知又收埋...唉~ 返到HOTEL開餐,覺得D野樣樣都唔係想像中咁好食囉... 黑椒腸 - 買個時因為覺得佢好粗好似好正,所以就買黎一試...但佢同HK個D腸腸係無分別嫁...(咁仲咩要係台灣食喎!) 大豪炸雞扒 - 睇落去真係好大塊,大件,而且放凍左食,可以雞肉同炸皮分開,唔錯...而且佢雖然係雞胸位,但D肉都算嫩同滑,但可惜可以食既地方唔多,只係得少少,因為下面已經係背脊位... 白苦瓜汁 - 嘩~苦到爆呀!當年飲過超好飲既關係,所以再一次買一杯黎飲,但可惜唔記得叫佢加大量HONEY,所以真係苦瓜汁囉...飲左幾啖就唔飲LA!哈哈...(真係唔可以做人上人呀~"吃得苦中苦,方為人上人"哈~
