最後一站就係去醫肚~饒河街夜市!!! 初初諗住依照當年行去饒河街條路行,點知中途捉蟲了...行行下,見到永吉路 好似好多野食,又多人喎,所以咪行入去囉...(直覺覺得多人既地方即係熱鬧,應該同饒河街不遠矣~) 但永吉路其實都幾多野食嫁...有間上網介紹既過牛排 - 板神 ,好多街頭小食... (有機會下次黎試下呀!) 但行完永吉街,出面條路就勁靜LU~ 問左N個台灣人先去到饒河街呀! 仲要兜埋松山火車站先到喎...唉~不過松車火車站真係好舊式囉...月台同買飛係分開嫁... 到達饒河街 真係好 開心,好興奮呀! 不過好似無當年黎咁多人...(不過真係無左以前咁多小食係到擺買,唔知係平日既關係定係已經比其他夜市取替呢!? 胡椒餅, - 雖然無乜人排隊,但無損佢地既好味程度,而且好似比當年大塊左...而且依然都有咁多人係到場場整餅嫁... 佢D餅岩岩烤好,所以好熱呀!而且佢D係豬肉加韮菜,但有D辣辣地,好正好好食呀~ 餅都未食,又過左隔離個檔野買串炸花枝丸食下 ...雖然佢都係粉多,但係HK好少機會食到囉... 阿文冬瓜菜 - 估唔到多年後,佢依然仲係到,而且個老闆娘果然無講大話,因為問佢苦唔苦,佢話甜既,咁真係好好飲既,甜得黎佢又係好解渴喎...但點解香港無嫁呢!? 生泡尤魚 - 佢睇落去個賣相其實唔係好得囉... 不過加好多蒜蓉同小辣落去,D尤魚又爽喎,所以好好食呀...(連PLUTO又係到睇到流左幾啖口水落去囉...)而且坐係到等既時候竟然見到哩款野上電視呀,真係唔睇都唔2知呀! 雖然唔係食得好飽,但點都要食飯後甜品既...而且仲要係台灣都幾出色既刨冰~呵呵呵~初初行過見都幾多人食嫁,但當坐埋去竟然無客LA喎... 佢都有幾多選擇揀嫁... 但最后因為人喜好,只係揀左雙色冰黎食姐... 佢D芒果好甜(不過有幾粒都係酸酸地...),但又大粒囉...但佢D草苺又酸又細粒,所以一食就知係大陸草苺LA!唉...佢D冰又多椰果又多,,所以真係幾抵食,(廿幾蚊HKD咋...HK一定食唔到囉...) 最後買埋哩條街最出名既炸蟹仔返HOTEL食...初初以為一定要買半斤,但好彩唔洗,揀完之后佢即炸,而且佢仲送左少少比我地...(多謝!) 因為懶既關係,所以係松山搭火車返台北車站就算! 買飛個到真係舊式火車站咁,只係差在無櫈咋... 原來松山 架架火車都去到台北車站嫁... 而且車上面個車身都算舊式,佢同PRC既火車感覺差唔多,只差在PRC個D係向直坐,哩D係打橫坐姐... 台北車站附近間7仔,買左個MADE IN TAIWAN既"自己"黎食...(因為聽講話每個地方既"自己"都唔同口感嫁...) 行返去個時又迷路,因為全部都已經關門,條條路又差唔多喎.好彩見到D友善既台灣人用佢地GRPS教我地返HOTEL,唔係應該行左去好遠LU~ 返到HOTEL就慢慢嘆炸蟹仔,雖然放到冷洒先食,但依然好好食,好有蟹既鮮味,所以真係一讚呀!
