因為預祝9月份壽星公生日既關係,所以就揀左哩間"力奇火鍋", 其實最后唔係打算打邊邊嫁,諗住去唱K嫁...但突然有D人唔去,所以咪問壽星公先生食咩囉....佢話想食豬骨煲喎... 以印象記憶中,大角咀係好出名食豬骨煲既地方,所以咪上左"開飯喇"睇下邊到有囉... 之后見勁多人讚哩間野喎,所以咪試下囉~ 之前打黎BOOK,但無人聽電話我幾驚佢地係一世都唔聽電話,BOOK唔到枱呀...之后再過一日打比佢地BOOK順便問點解無人聽電話LA~點知比個勁唔休做既答案我囉~ "我地星期一,二休假嫁!" ~嘩...連放2日假呀...估唔到一間餐廳都有5天工作咋~ 去到角祥街,由頭差唔多行到尾先見到,而且佢間鋪頭真係唔多起眼,(因為佢無D招牌放出黎嫁...) 而且發覺都幾多人等下...訂左枱都等左成差唔多20-30MINS呀(個時有個同事講訂唔訂枱對佢地黎講係無分別嫁...) 入到去發覺已經勁多人坐係到LA~仲要枱枱都超多人喎~(最少應該算係我地個枱囉...),而且佢真係勁有大排檔FEEL...(係有冷氣既大排檔),而且好多野都係自助~杯,碗,筷子, 水都係自己拎囉~ 我地點左豬骨煲, 鮮冬姑, 鴨粉腸, 牛柏葉, 魚肚, 鮮魷, 三寶(鯪魚球, 蝦丸, 墨魚丸), 脆肉鯇, 手切肥牛, 豬腰... 豬骨煲 - 真係超大個呀...差唔多有一個小山頭咁呀...而且入面真係有好多料 : 青瓜, 蕃茄, 粟米, 雞腳, 豬腳, 豬骨...真係要食緊一半先可以沸其他野食呀...不過佢D湯真係好濃骨豬味,但多左少少胡椒粉...不過都幾好飲... 鮮冬姑 - 好大隻, 滲左D湯之后,D冬姑好有豬骨味,兩者加埋,味道一流 鴨粉腸 - 賣相係完全唔討好,仲有嘔心既感覺,但熟左之后雖然個樣都唔係咁得,但點都可以放得落口既...不過佢食落都幾似豬潤咁味囉~所以無乜特別,但真係對一次見佢... 牛柏葉 - 佢好大塊,(之后我個同事話只係佢地切少幾刀,咁咪咁大塊囉~),而且都幾多下...沸好耐都唔會縮水縮得好勁... 魚肚 - 第一次打邊邊食會佢,最多都係要黎煲湯用, 而且岩岩黎到我以為係一塊塊蝦片,我另一個同事以為佢係幾塊白糖榚...佢真係好似一大塊棉花咁,佢吸左好多骨豬湯,入洒味,不過美中不足係,係佢太少,每人得兩塊... 鮮尤魚 - 其實佢無乜特別,都係好大塊,而且佢真係新鮮既...而且落左去一卷埋就食,比出面更放心食既~ 三寶 (鯪魚球, 蝦丸, 墨魚丸) - 真係好好食好爽,好彈牙...(所以佢哩款係到好出名嫁...)粒粒都好有HEART去做囉...鯪魚球同我地飲茶個D其實差唔多,蝦丸真係食到佢既鮮味 (傳聞話用成隻蝦去打出黎嫁...),墨魚丸都好得,因為有少少墨魚係入面嫁~ 脆肉鯇 - 好似係我地打邊邊都有佢嫁...但今次好似唔夠脆囉...同普通鯇魚係無分別,只係最后一舊沸落去先係脆肉鯇囉~好似有D呃人既感覺,但算LA~我都麻麻地,係佢地食咋...不過我食個舊魚肉都好好食,好有鮮味呀~ 手切肥牛 - 嘩...好大碟呀...百幾蚊有返咁上下,差唔多~而且佢D牛真係好新鮮,有牛肉味,而且唔會沸耐少少就變老變韌,所以佢真係D靚既肥牛黎嫁... 豬腰 - 第一次打邊邊用佢,佢個FEEL同豬潤係無分別,但好似話哩個係佢個肝個個位,如果沸得唔夠熟既話,有陣VV味嫁~ 而且點左d啤酒,全部飲洒... .D野食最后又清埋 ~勁呀! 綜合, 飲食
