今日又要繼續喪行LA~ 出發,第一樣要早既野就係過去SUNSHINE CITY到買明天去"雞場"既飛,唔係明天要行路去"雞場"嫁LA~ 打算離開商場,發覺個到原來有間ANNA SUI嫁...真係估唔到呀...個到D野都好靚嫁...好想每樣都買返屋企,但可惜都好貴呀...(雖然真係平過HK...),最后我都只係揀左一條手巾咋...其實好想買多幾條嫁...但無$$呀....唉... 之后就向中野 出發... 去到中野,諗住去睇玩具嫁,但因為搵唔到係邊,所以只係去行下算LU~不過中野係得NAKANO BROADWAY 最多野睇最多野買... 一去到見到有間買榚點既鋪頭 ,佢地擺得好靚,所以咪買黎諗下囉...佢話有酒味喎... 但食落真係唔覺得有酒味囉...而且麻麻地好食,好彩只係買左一舊黎試姐... 哩條街有好多間壽司店,但最后都係揀左元祖 ,係日本有好多間分店嫁...等左一陣就有LA~佢D SUSHI同築地差唔多,因為都係好新鮮...而且佢都有好多款式去揀~帶子 好大隻,好肥美~吞拿魚腩 ,第一次唔抗拒吞拿魚,因為真係好鮮~甜蝦仔 ,好似蝦米咁細粒,但佢係新鮮,唔係曬乾左嫁...好特別...(因為從未見過,從未食過~) 第二站下北沢,但去既中途經過代代木公園,但點知JR有2個代代木嫁...一個真係代代木公園,而另一個叫代代本 ,好彩有一個好心日本人話我地出錯站咋..唔係一世都去唔到下北沢呀... 下北沢分左南同北~先得北,個到好多人...好熱鬧,勁似一個少市場咁.. .不過買既野唔算好多(唔知定唔岩睇呢!?),行行下見行左入個D一番街入面,個到D屋仔,好似大雄佢地住個D咁嫁... 而且轉左入黎之后係無乜人行嫁...但從第二邊轉出去,個到又多返好多人行...個到真係好奇怪... 不過第二條街,以買衫,褲為主...有D真係好平,同好有特色...(雖然有D香港都有,但平少少囉...) 沿住火車路就可以去南面LA~(佢地D馬路好似輕鐵站咁 ...但佢地中間有個閘唔比你過囉...唔似香港咁...無車都可以衝過去...) 南面,其實比北面更無野行,只係得一條街多野睇少少,不過都係買衫多... 第三個景點 - 涉谷 , 一出閘個到有間果汁店,就買左左杯士多啤梨奶飲 ...嘩...真係無得頂嫁...係hk好難飲到嫁...因為最少佢無溝水落去囉~因為飲到D士多啤梨係甜既... 哩到真係人多車多,馬路都好大添呀! 涉谷中心街,真係涉谷既中心呀!而且好易記得出,因為見到HMV大大個招牌就知自己到站LA!哈哈~ 不過黎得涉谷,只係想食上次"杜如風上次介紹個間牛角包店咋 ...而且佢出左限定版就係士多啤梨牛角包呀~所以一次過試朱古力同士多啤梨,但覺得點都係限定版好食D囉~
