向迪迪尼出發~ 係酒店附近既麵包店 買定個麵包同果汁為我地之旅而出發作準備(係日本第一次食早餐咋...) 我地搭丸之內線去東京再轉京葉線去海濱先...(係好耐,差唔多個鐘車,但最大問題係由丸之內線行過去葉線係最耐囉... 去到海濱,覺得好似一個藝術博物館咁, 唔係一個OUTLET既地方... 個到其實要睇既其實都係個幾個 : AGNES B., CITIZENS, LEVIS同NIKE姐.... 中午先入迪迪尼,但係門口 都留左好耐,因為要同D公仔影相,睇下周圍... 去入拎FIRSTPASS,但好多都無洒,只可以周圍行下同排隊玩~ 花車巡遊,因為勁多人同日本人鐘意坐係到睇既關係,所以只可以遠距離見到佢地行過咋... 話就話係LUNCH,但已經係TEA - 賣相唔錯,味道OK,但餓既時候咩都變得好好食~ 之后就去睇SHOW,但D SHOW麻麻地好睇,同HK個D無聊SHOW係差唔多囉... 而小小世界都OK既,因為入面D冷氣幾舒服... 夜晚個個花車巡遊一樣係勁多人(雖然無左早上咁多人,但都係多人...) 煙花佢亦比香港短,但比香港個個更靚... 玩完就去掃貨,發覺日本人其實更勁,佢地可以清洒架上既野,放返上去唔夠5MINS又清洒,真係不得不佩服佢地... 返到池袋,本來想食魚生,但佢一早關門大吉,咁只好周圍搵野食... 搵搵下見到一間唔多起眼既鋪頭 - 十豚 入到去又係要用入錢機買野食,好彩個老闆肯親自出黎,叫幫手點,唔係又試唔到佢LA~ 佢D湯底....係正到暈呀... 因為好重豬骨味,睇落好似好肥膩,但其實唔係囉~D拉麵又好彈口,料都幾多下...蛋,佢地亦用溫泉蛋,所以好滑,好好食...但最后係食唔洒個麵嫁... 返到酒店,就食噚日買個個蜜瓜, 嘩...一開佢好多汁流出黎呀...同埋好香呀~ (雖然唔係夕張蜜瓜),但好好食囉!~因為好甜,同好有果香,係HK好難食到D咁靚同新鮮既生果嫁...
