YEAH~出發去日本la~~ 7點幾去到機場check in... 因為太早起身既關係,所以竟然肚仔餓喎~所以咪去左burger king到食左一個唔多好食既早餐囉...(真係好睇唔好食..唉!!! ) 9:10am就上機出發去日本la~(CX520) 係機上面真係無乜做過,只係等一個唔好食既飛機食完就到日本嫁la!hehehehe~~~ 差不多落機既時候,係飛機望落去,覺得佢同prc真係幾似囉~因為好多大塊田呀... 過關個時係超多人排隊,而且佢仲要打埋指模呀...但最可惜係佢要影相個時唔比我做"v字"手勢影相呀...唔制呀 之后就搭nex出去池袋la~而且好彩岩岩趕到去池袋個班車咋...唔係要等到4點幾呀... 好野...搭左90mins車,終於係4點幾到池袋la~而且我地正式到左日本市中心la~ 出到站,我地仲要搵左一陣先搵到邊個站口係近我地既酒店喎~(池袋劇場酒店),而且係出面又要兜左一陣先搵到呀!因為係路面好似條條路都差唔多咁...最后行到hmv附近就見到佢la~而且佢仲要係正hmv對面...正呀...真係係正市中心呀...good!!! 返到房放低d行李就落去樓下個間Wendy食la~但真係勁貴呀~咁就食左差唔多1000yen呀~真係貴到爆呀~但係hk真係未食過喎~所以去日本點都要諗一次la~ hehe~而且食左個個紅豆包la~但麻麻地咋喎~最好食左都係佢個ice-cream… 之后咪周圍行囉~行完sunshine city,但個到好似無乜人行咁囉~ 但比我搵到一間專買龍貓既鋪頭呀...嘩...入面真係勁多野買呀!但都好貴囉~ 但講貴都唔夠係到見到件和服貴囉~要成10yen一件呀...(真係貴到嘔...但真係勁靚喎... ) 行到咁上下就出街行下la~見到有波子機喎~咪即刻去睇囉~但發覺d日本人真係好鐘意玩哩d野嫁,但其實有咩好玩呢!? 行到咁上下就去搵野食la~但搵左好耐都搵唔到有咩食…本來想行入d橫行食嫁, 但全部都係"居酒屋"多囉~ 所以最後係酒店附近食左一間叫”大戶屋”算數la~ 佢地d豬扒飯,真係好好食呀~因為佢D醬油係自己整嫁...(自己將D芝麻磨碎,好得意呀... ) 佢話將來7月會係太古城開返間呀~到時要去試下先~ 之后就返酒店訓覺la~因為倒X咁早起身呀...而且慢慢睇下間房,發覺都唔錯嫁!雖然間房係細細地,但感覺都ok嫁... 但我最鐘意都係佢個廁所,因為真係用膠啤出黎嫁...而且仲有洗pat pat機添呀...(唔知洗得乾唔乾淨嫁呢!? )
