一年一度母母節,梗係唔會正日出去同人迫咁傻豬啦 而係豬豬仲係乜都唔識既時候,慶祝老母節呢個任務就交左俾豬老細包辦 繼神奇風筒後仲可以去食好西 呢間野除左佢碗飯迫爆之外,佢門口個堆等位既人都長期迫爆 今次經過,咦? 冇人等位???? 老細即刻轉身射個三分波推左我入去 Well... 望下個餐牌...唔平 一d都唔平,一碗都開2個人去食一次茶記既價 係目不瑕給既時間,老細話咁快揀好左。 ... 牛肉飯????? ~~~~ 牛肉加蒽花,要烏冬嘛? ~~~~~ 唔知點解老細入左一間食魚生飯既鋪頭去叫一個牛肉飯 真係睇唔透,BUT ANY肥我唔會阻止佢既 阿燦成日都叫大家記住架啦,百貨應百客丫嘛 個牛肉飯上枱.... 一個字:嘩。 成坐山咁既款,真係食到2036 我個魚生飯壓軸出場 又幾OK喎個樣,肯定唔係頹飯先 魚生黎講我最鍾意海膽同帶子 今次最有驚喜反而係個油油魚 油油魚係我同老細為個D一咬落好重油份既魚而改既名 因為每次根本就唔知食緊咩魚,好似阿邊個邊個同喂咁 唯有俾個代號佢易D稱呼啦 講返阿油油魚,呢期係我同老細至愛 燒過既油油魚真係100分! 話分兩頭,呢間既海膽算係咁 好多時出面食既海膽都係唔新鮮 食落口係得個腥字 今次呢個OK喎,甜喎,唔錯唔錯 而老細個就黎山泥傾瀉既牛肉 都係一個驚喜,冇牛肉個陣蘇蘇地既味 佢唔知係SMOKE過定點,好特別 最緊要,唔韌 韌就大鑊喇真係你食埋我個份 不過.........咁食法其實好滯 自稱好肚餓既老細食到尾都收皮投降喇 總括黎講,OK既 係貴,但貴得黎佢都算俾返相應既野你 同埋起碼唔會貴夾唔飽先啦 有下次既我個人認為