電鰻就未必有,今日白鱔就有半條 呢樣野,每次老細陪我地2母子行街巿 一經過魚檔佢都會表示好恨食既野 我呢,本身係唔食白鱔 唔係唔食,而係我唔識食 因為由細到大,娘家都冇活魚提供 皆因家父係一個食炸魚柳食三文魚刺身 但唔食蒸魚原因係覺得佢腥既...(假)洋鬼子 所以,呢d鮮魚同我既距離一直都好遠 到今日終於一戰!!! 結論係: 其實唔難 [slick] 堅架,街巿魚檔靚仔已經將佢清潔得乾乾淨淨 返黎最惡搞既反而係剁蒜蓉... (一剁飛左d落地我隻狗光速狗衝) 撈下d豆豉,撈下d油鹽糖生抽咁就搞掂 半條白鱔,老細咁就掃哂喇 真係老懷安慰 (佢唔食哂唔排除成碟車落佢個頭度以示不滿) 我食野既口味同老細可以話非常唔同 佢把口係可以食得出有冇over cook 落左咩調味料,新唔新鮮...etc 我覺得佢應該去頂左Gordon Ramsay個位 Its F**king RAW!!!!!!!!! 我自細屋企食親都係急凍野 急凍既魚柳你問新唔新鮮, 同問個岩岩吊完頸瓜左既人痛唔痛係冇分別 點答你呀大佬 憑住由細個開始煮食既相關經驗 都叫做可以煮2味咁啦.. 唔係老細日日食公仔麵喇 (原餅用鑊煎個隻) 好彩,老細都好識做 次次整既野佢盡可以都啪哂佢 呢d...係愛呀哈利!!♡