是咁的，係早幾日，一家好多口連埋阿豬一齊北上 要知道平時帶住一個得幾個月既BB出街已經夠哂大工程 家下仲要北上，望下山望下海咁旅行 真係攰過隻狗 我地坐住偉大強國既和諧號列車，一來一回 嗱平心而論，唔帶住小朋友既話 和諧號的確係唔錯既，80蚊人仔俾你由深圳上到廣州仲想點 不過，由於我阿豬好鍾意瞓BB車 (係，呢個小朋友係唔鍾意人抱，佢寧願自己攤係度瞓) 但我地發現係和諧號，可以打開架BB車而個大人又有位座既 真係少之有少。 去個程佢老豆 / 我老細 行後幾卡先搵到個位開返架車俾阿豬瞓 最搞笑開完架車仔，放左佢落去無耐，又話要餵奶 餵完，架火車岩岩埋到廣州東站，真係趕到甩哂轆 係回程既時候，我地都好醒目霸定個有BB車既位 到落車個陣，機會黎喇，飛雲...... 我地推住阿豬，問月台D工作人員邊度有升降雞 條友點左我地去另一邊，當我地過到去 佢瞄下然後話 「你地冇輪椅，唔搭得」 下? 叔仔跟住直線抽擊 「咁搭咩呀我地?」 個車站職員指下個扶手電梯 .........扶手電梯很累，但扶手電梯不說。 我地一邊推阿仔搭扶手電梯，一邊望住電梯貼住 no baby car既貼紙... 真係睇唔透。 輪椅就係車，BB車就唔係車? OK U WIN。同鯨魚唔係魚有咩分別? 法官大人，我冇野問喇..............
