簡單介紹下，我係一個80後母母 有一隻4個月既豬仔，亦都係阿。豬媽既由來 自上年凍到冇朋友後 (巿區都得幾度個次呢) 我都一直諗緊，今年會唔會又黎多鑊? 豬豬仲咁細，冷親好L大鑊架喎 等左七七四十九日，我最期待既溫度出現了! 以前一直唔明點解父母咁緊張小朋友襟被既問題 到自己做左父母，原來真係會令人好緊張 又驚佢凍，又驚佢襟過頭，又驚焗親佢 結果係琴晚就同佢阿爸，即我老闆申請幫阿豬用睡袋 (佢阿爸，我老闆，對外型有一份執著同堅持，遲D好快應該會講到) 我一直對睡袋呢家野有少少...... 抗拒 可能睇得死神來了見條女係個曬燈機熱死左個畫面太多 完全係九唔搭八，我知丫，請瘋狂恥笑。 阿豬係頭一次用呢D咁既野， 無咩既，用完成隻企鵝咁郁唔到咋嘛 不過發明呢種玩法個條友，都幾叻豬 小朋友瞓覺，張被好似火箭升空咁成日都同個身分離 有左呢樣野，呀啦子 (=老媽子) 安樂哂 OH~~~ PRETTY WOMAN搵!!老!!襯!!~~~ ...........唔怪之個POSE咁熟啦
