世界一直在轉，以前可能係每年有啲變化。今時今日？差唔多係每一季都睇到有轉變。以前嘅店鋪，可能講緊每間都開咗十年八載；但現在的店，可能一季就已經無咗了。以前的食物，多數係講緊邊款平靚正；但而家吃的，可能係講緊有咩唔食得。以前開學日，都係多數學生最唔想返學嘅一日。一係暑假過後未回魂，一係嬲嬲豬不能再訓到自然醒，一係那少量的暑期作業未做晒怕被罰。現在開學日，其實學生返學同放假都一樣好忙，放假要興趣班要補習要補課，可能玩的時間都冇。尤其係今時今日多數係家中獨子嘅學生們，或者真係寧願返學，因為有人陪下玩樂打機吹水，又可以呻下補習辛酸。其實唔係想拎而家同當年比較甚麼，都事過境遷了，再比較都無乜意思。只係眼見住每天都有啲問題：套劇主角係咪新人？我未見過嘅…呢款係黑心食物咩？幾時嘅報導呀…香港樓市又創新高？未上網睇喎…乜巴士又要加價咩？今日坐車先知…好多嘢，未必係自己想跟風想八卦，但當自己想知、又有啲關自己事的話，想知係無可厚非的。但係有時會發現，真係跟得好累……亦都唔係想比較當年有幾好，而係每日走下去活下去，會突然間有啲感慨……原來，世界在轉，時代在轉，自己都在轉；然後轉下轉下，好多嘢都轉身走了，包括自我。驀然回首，自己嘅初心、自己嘅本質、自己嘅熱情，已經喺不知不覺間，被時間的巨輪碾碎了。**歡迎加Facebook或Instagram支持下隻港豬！！Facebook(小豬批錶仔&雜貨)：https://www.facebook.com/PigPieSmallStore/Instagram(港豬無聊事)：https://www.instagram.com/pigpig.carcar/
