話說我哋一班豬隊友係經常有飯局的，所以佢哋邊晚OT或者幾時去旅行， 基本上我唔使法眼都知道晒。咁既然大家都知有人去旅行， 咁旅行後實有飯聚，因為係咁易都要派下零食小吃封住大家把口， 否則，呢班人會因為無好嘢食而咒怨到沒完沒了，HAHAHA~~~ 好多人玩完回來都覺得唔夠喉，個心都未歸位，已經變咗常識了。 於是飯局期間回味下個旅程，講下旅行的低能事件， 詳述自己又盪失路嘅本事，有笑位、有特別事、又有靚嘢戰利品， 其實未到自己飛，真係聽下都幾開心的。 今晚，聽聽下佢講嘢，突然令我諗起另一批朋友...... 話說有次那人去完旅行，咁約咗一齊食飯啦。 當晚啲人前後腳到，佢一直拎住部電話， 只要有人坐低，佢：喂，你到啦？我旅行影咗好多相呀，一陣比你睇吖！ -----無錯，係"叫"我哋睇，唔係"問"睇唔睇。 總之，當晚一有成員到達，佢都會不厭其煩咁做呢件事...... 嗱，其實是咁的，我覺得旅行完開心係好正常，如果明知唔開心你點會去？ 我真係知道佢唔係想曬命，而係想其他人都睇到佢開心， 但係，你想我哋陪你開心嘅同時， 你知唔知我們都為清楚晒你每天的行程而嘆氣？ 玩完覺得開心，係你個人的心情，咁你當然可以SHARE出來： 你可以講下見到的奇趣事，你可以搵張得意相比大家睇， 你可以同我哋研究下啲所見所聞； BUT，你而家係講緊睇晒你的過千張相，每睇一張你就解說一次...... 那晚好似有10個人，其中有單身有婚奴，當晚佢第1個到，我第2個到， 那句"比你睇相"我大約聽到4次，"介紹背景"聽咗大約3次。 其實飯局係會講下其他無聊事、公司戰鬥苦況、屋企仔女爆笑事， 當晚餐飯我無再同佢交流，因為一望到佢， 真係好似睇緊一個無限LOOP的鏡頭...... 恭喜你！你已經成功地係將你嘅開心，完美咁投資喺我的痛苦身上了。 我真係唔介意聽人分享旅遊中的興奮或辛酸事， 我其實係介意----- 你用7天時間影1000張相，點解要迫我用1晚時間去同你紙上7天遊？ 其實，我只要下次去呢個地方就可以親身經歷了， 而家成日有特價，唔需要綵排架啦，直接飛就得架啦。
