[youtube id="n5jCq3d4TfE" w="600"] 心情好買鞋，心情唔好買鞋， 買鞋，買鞋， 宴會前買鞋，換畫後買鞋， 紅色暴雨買鞋，經濟低迷買鞋， 買鞋， 傷風感冒買鞋，唔夠訓買鞋， 買鞋， 瘦身後買鞋，想買鞋時買鞋， 唔想買鞋時，買鞋。 一個廣告響短短60秒內叫你14次"買鞋"，重幫你諗盡所有要買鞋o既原因。海港城呢個廣告，簡直可以話改變左我對物質o既睇法。以前我買多幾對鞋， 返到屋企俾人話都會有少少內疚。但自從呢個廣告o既出現，我再無呢個感覺。買完鞋，心中暗自諗一次廣告對白，即時覺得買鞋係必須o既，係一種心靈上o既治 療，物超所值。作用有如佛經、聖母經，心中暗諗幾次，心境即時變得寧靜，無所畏懼。 就算返到屋企再俾人問:「做咩又買鞋? 」 我都可以好自然咁答: 「心情好嘛! 」，「心情唔好嘛.. 」之如此類… 結果我越買越密，試過一年買十幾對鞋，男人黎講都算幾誇張。買鞋o既原因到底係真係有需要買一對新鞋，滿足購物慾，定係心情好定唔好都不得而知… BTW，原來2009年個廣告搵Angelababy再翻拍過，不過個我始終覺得舊版本d對白入腦d [youtube id="cS4RlVk7eo8" w="600"] 心情好買鞋，心情唔好買鞋， 失戀後買鞋，傷風感冒買鞋， 瘦身後買鞋，買鞋 唔想買鞋時買鞋，紅色暴雨買鞋
