廢話唔講，ENTERBAY 由1月26日開始響尖沙咀活方商場搞左壇佐敦figure展覽會+ 銷售活動，Jordan喎，波神喎，我當然要去睇下啦，2月3號就完架啦，大家有興趣o既話好趁未完去睇下啦。 一連九日o既展覽會，除左show 米高佐敦果1:6 figure之外，重有Air Jordan多代球鞋同落場版波衫，Jordan迷真係唔好錯過呀! 商場門口有大大banner decorate，遠遠都望到 Figure售賣 counter，由於又要分段派籌又要抽簽，所以無造成人潮 個個都不停影相 我去o既時候係8點半，的確唔多人 依家賣緊o既限定版，著45號波衫 重有套公牛隊熱身裝束跟埋 鞋就用Air Jordan X 作客23號波衫+ AJ XII 主場23號波衫 Air Jordan XI figure同真o既你分辨到嘛? 白色45號波衫+按比例打造的籃球架 同場加影落場版波衫 Jordan I至XIV代籃球鞋 展覽會和銷售活動日期: 26/01/2013 – 03/02/2013 地點: 九龍尖沙咀彌敦道36-44號重慶大廈地庫活方商場 講返個figure，頭雕同素體雕刻師由SCUDERIA負責，而頭雕造型指導及塗裝總監就係YJ。產品當然唔少得一個似佐敦真人似到爆o既頭雕，重點係最新開發的NBA-MJ素體，擁有多於30個關節位，應用左最新高清技術，特顯皮膚皮紋，增強皮膚質感。而高度係根據佐敦的實際身高，所以人偶素體唔係常用o既12吋素體，而係約13吋高。 優先發售o既特別版，唔係大家見慣o既23號，而係45號波衫 (1995年3月19日，在芝加哥公牛隊首次復出時著的)，連短褲和一雙白襪，並只有限量版獨有o既公牛隊熱身出場運動服一套，重有十隻可更換手型；包括兩隻含磁石用黎渣住個1：6比例o既Spalding籃球，同一對Air Jordan 10籃球鞋（白/黑/紅，公牛配色） 想睇其他相o既可以click下面條link http://www.utravel.com.hk/album/photo-list.php?id=AD4RaBEv
