位於大埔的 616 牛肉火鍋專門店可以話近來大熱,專食刁鑽牛部位,好似台南溫體牛的 concept,616 的牛肉每朝屠宰,下晝直送到 616,店主更會每日在 Facebook 專頁公佈當日有咩部位供應,咁吸引,梗係要第一時間去試下。上星期中打去想訂位已經 full 晒,只可以 walk in,所以星期六 6 點未夠就仆入大埔﹗一心以為咁早實有位啦,點知 6 點去到已經 full 晒,門口亦開始有人龍,一等就等左個半鐘﹗呢幾日各大媒體都有報導,預計人龍會更加長,睇嚟下次再去食應該都要幾個月後了~ 大家想去試試又唔想等,就記得要預早多 D 打去訂位喇! 原文:http://heatravel.blogspot.hk/2016/09/616TaiPo.html 我的 Facebook 專頁:https://www.facebook.com/heatravelling 616 牛肉火鍋專門店 menu 全是唔同部位的牛肉,另有少量蔬菜可以點選,價錢平到無人有﹗牛肉碟碟$48,蔬菜亦廿蚊有找﹗ 匙肉 牛肩胛,接近肋骨,肉中間常穿插著細筋,脂肪含量較高,非常鮮嫩 挽手腩 濃郁富鮮味 胸口膀 牛前胸的一塊脂肪,淥十幾秒就食得,勁爽口 牛骨髓,好新鮮,洗得又乾淨,又軟又香 黑百葉 口感爽脆,沾上秘製醬汁,非常開胃 熟牛腩 已經炆至入味鬆化,再用湯底淥下,更突顯肉的香味 牛丸 其實除左以上呢 D,當日幾乎每款牛都試過,碟碟有驚喜,有幾款仲 encore 左兩次添!一行 6 人,埋單每人 $150 有找!等左咁耐都值得呀! 616牛肉火鍋專門店 地址:大埔翠怡街3號翠怡花園B座地下18號舖 電話:3565 6878 Facebook 專頁:616牛肉火鍋專門店